樂●活｜品牌又有新搞作！

最近唔少品牌都有新搞作！好似 Kiehl’s Since 1851除咗每年均舉行大型公眾慈善企劃，宣揚天然環保概念。提到 Kiehl’s 及咖啡，如果係品牌嘅忠實粉絲或者咖啡迷都會第一時間諗起品牌喺台灣開設嘅Kiehl’s Coffee House，不僅為顧客帶來五感體驗，更成為當地嘅打卡熱點。

品牌將首次將Kiehl’s Coffee House引入香港，並將於8月5日空降海港城，且以金盞花為主題嘅大型公眾慈善企劃加入 Future Made Better 理念，大家有機會品嚐金盞花咖啡和甜品，並身體力行支持環保兼為 EcoDrive Hong Kong籌款，支持其推動及教育大眾減少使用一次性塑膠產品嘅工作。

 Kiehl’s Coffee House期間限定Calendula Charity Delight慈善金盞花治癒餐點，會提供以公平貿易認證的咖啡豆所製成嘅金盞花麥蘆卡蜂蜜鮮奶咖啡，配金盞花咖啡牛油班戟和金盞花紐約芝士蛋糕。每惠顧期間限定 Calendula Charity Delight「慈善金盞花治癒餐點」其中一款咖啡或甜品，Kiehl’s 將會捐出$5 予 EcoDrive Hong Kong，讓大家品嚐美食嘅同時，還能為環保及慈善出一分力。

便利店7-Eleven繼喺旺角開設第一間7CAFÉ+ Pop-up概念店後，最近再下一城喺尖沙嘴加拿芬廣場開設7CAFÉ+ Always On概念店，提供打卡、聚腳嘅地點，而且更有一系列全新產品及分店限定嘅東南亞風味特色新品。

全新尖沙咀店除提供採用頂級100% Arabica咖啡豆House Blend配方的經典咖啡選項，及一系列以東南亞風味為靈感嘅「本店限定」新品，包括班蘭椰奶西米沙冰爽、咸青檸味沙冰爽、菠蘿味手搖咸青檸特飲、士多啤梨味手搖咸青檸特飲等。

除咗飲品，仲有全新甜品系列，包括首次登場嘅芒果椰汁西米新地芭菲、海苔肉鬆牛角包窩夫及朱古力味奶醬雞蛋仔等。特別要介紹該店嘅雞蛋仔，有別於平時一底底嘅雞蛋仔，而是一串串嘅波波圓粒造型，令口感更為豐富，有4款口味選擇，包括原味、海苔肉鬆、朱古力味及朱古力奶醬，甜而不膩。

作者：Laurie Wu（愛保健愛旅遊愛購物的熟女）
[email protected]