乐●活｜品牌又有新搞作！

最近唔少品牌都有新搞作！好似 Kiehl’s Since 1851除咗每年均举行大型公众慈善企划，宣扬天然环保概念。提到 Kiehl’s 及咖啡，如果系品牌嘅忠实粉丝或者咖啡迷都会第一时间谂起品牌喺台湾开设嘅Kiehl’s Coffee House，不仅为顾客带来五感体验，更成为当地嘅打卡热点。

品牌将首次将Kiehl’s Coffee House引入香港，并将于8月5日空降海港城，且以金盏花为主题嘅大型公众慈善企划加入 Future Made Better 理念，大家有机会品尝金盏花咖啡和甜品，并身体力行支持环保兼为 EcoDrive Hong Kong筹款，支持其推动及教育大众减少使用一次性塑胶产品嘅工作。

 Kiehl’s Coffee House期间限定Calendula Charity Delight慈善金盏花治愈餐点，会提供以公平贸易认证的咖啡豆所制成嘅金盏花麦芦卡蜂蜜鲜奶咖啡，配金盏花咖啡牛油班戟和金盏花纽约芝士蛋糕。每惠顾期间限定 Calendula Charity Delight「慈善金盏花治愈餐点」其中一款咖啡或甜品，Kiehl’s 将会捐出$5 予 EcoDrive Hong Kong，让大家品尝美食嘅同时，还能为环保及慈善出一分力。

便利店7-Eleven继喺旺角开设第一间7CAFÉ+ Pop-up概念店后，最近再下一城喺尖沙嘴加拿芬广场开设7CAFÉ+ Always On概念店，提供打卡、聚脚嘅地点，而且更有一系列全新产品及分店限定嘅东南亚风味特色新品。

全新尖沙咀店除提供采用顶级100% Arabica咖啡豆House Blend配方的经典咖啡选项，及一系列以东南亚风味为灵感嘅「本店限定」新品，包括班兰椰奶西米沙冰爽、咸青柠味沙冰爽、菠萝味手摇咸青柠特饮、士多啤梨味手摇咸青柠特饮等。

除咗饮品，仲有全新甜品系列，包括首次登场嘅芒果椰汁西米新地芭菲、海苔肉松牛角包窝夫及朱古力味奶酱鸡蛋仔等。特别要介绍该店嘅鸡蛋仔，有别于平时一底底嘅鸡蛋仔，而是一串串嘅波波圆粒造型，令口感更为丰富，有4款口味选择，包括原味、海苔肉松、朱古力味及朱古力奶酱，甜而不腻。

作者：Laurie Wu（爱保健爱旅游爱购物的熟女）
[email protected]