樂●活｜月餅新「味」力（上）

距離中秋節只剩下一個多月，城中食肆及餅店嘅月餅陸續登場，無論係賣相還是口味都有滿滿驚喜，繼早前介紹過各大酒店（按此）、餅店（按此）嘅月餅選擇，今日繼續為大家搜羅有邊啲別具特色嘅月餅吧！

●品悅：為國泰空廚自家品牌推出嘅月餅，由選料至生産，所有工序均經由國泰空廚團隊嚴格監控製作。除傳統雙黃白蓮蓉月餅系列，更推出創新迷你月餅系列，大玩紙雕藝術，其中475盒更印上獨立飛機座位號碼，成為特別珍藏版，隨迷你月餅禮盒更附送小巧的手製紙藝燈籠，燈籠每面均有香港著名地標特色紙雕剪影，放置蠟燭燈 (隨包裝附送) 於燈籠內，更可細賞紙藝光影互動。迷你月餅共有5款口味，包括竹炭紫芋月餅 (金裝)、陳皮豆沙月餅、宇治綠茶月餅、蔓越莓月餅及蛋黃白蓮蓉月餅 。

至於最經典之選嘅禮盒以國泰空廚品牌綠色作主色調，外型高貴典雅亮麗，盒面印上盛放金色牡丹和雀鳥繪圖，象徵繁榮、和諧和活力，亦有「花好月圓」之寓意。（訂購詳情）

 ●Pacific Coffee：首年限量推出月餅．一次過可品嚐咖啡軟心及流心奶黃月餅。前者用上獨家配方的特選18/25自家研磨咖啡豆製作，濃郁馥香咖啡軟心餡，配上朱古力餅皮；後者則是酥化金黃牛油餅皮包着奶黃內餡，口感順滑，每一口充滿鹹蛋香。購買「雙色月餅．咖啡禮盒」更除有咖啡軟心及流心奶黃月餅各２個，更配上特選18/25滴漏咖啡，為100%阿拉比卡咖啡豆獨家特色拼配豆，滴漏咖啡包無需使用其他咖啡工具，僅需30秒便能沖泡一杯高品質的咖啡。品牌同時推出 2 件簡便裝，兩種口味各一件，分量輕巧。（訂購詳情）

●星巴克：推出星巴克月餅亮光禮盒，以星巴克咖啡茶飲，包括焦糖咖啡、伯爵茶及燕麥奶，炮製出三款反轉傳統創新口味。當中包括流心焦糖咖啡月餅、伯爵茶麻糬月餅及燕麥奶奶黃月餅 。其中流心焦糖咖啡月餅會有流心焦糖餡緩緩流出，軟滑餅皮結合了星巴克經典咖啡；伯爵茶麻糬月餅就糅合口感軟糯嘅伯爵茶麻糬，帶來多重口感，雙重紅茶嘅濃香茶韻結合香甜餡料。至於燕麥奶奶黃月餅就結合中式奶黃餡料及濃郁燕麥奶，帶來有陣陣燕麥香嘅月餅。（訂購詳情）

●一個不榴Souled Out：首度來港嘅馬來西亞品牌，限量推出原味及竹炭貓山王榴槤冰皮月餅，更帶來曾是馬來西亞國家級指定招待貴賓尚品D197貓山王冷凍榴槤果肉。月餅外層冰涼軟薄，內裏以100%自然樹上熟、新鮮貓山王榴槤作內餡，由飽滿鮮味濃郁嘅果肉製成，冰皮質感Q彈而不黏牙，入口同時猶如奶油般絲滑醇厚，完美仿製岀雪糕般嘅順滑口感，入口瞬間與鮮味濃郁的奶油香層疊而岀，每啖都有濃郁榴槤香，感受榴漿四溢的滋味。除千色店、Aeon、永安百貨、Soda mall等銷售點入手外，亦可於美食博覽 高格行有限公司攤位入手。

●安妮美食：作為本地品牌，除推出外層以鬆香的牛油餅皮而成，內裏蘊藏着濃滑流心奶黃嘅流心奶黃月餅，更有由馬來西亞直送嘅D197貓山皇貓山王冰皮月餅，選用由馬來西亞新鮮進口嘅時令榴槤果皇，內餡以100%D197貓山王榴槤果肉製成，味道濃郁甘甜，再與冰涼柔韌的冰皮外層混合，滿一口都有着啖啖馥郁香醇榴槤果香。（訂購詳情）

●聖安娜餅屋：除經典嘅雙黃白蓮蓉月餅及雙黃蓮蓉月餅」，更有金沙流心奶黃月餅。今年更有新成員香滑奶黃月餅，新配方經改良後，奶黃額外香濃幼滑，配上沙沙質感嘅鹹蛋黃內餡，咸甜滋味相輔相乘，口感細膩醇厚。另外仲有至脆驚喜冰皮月餅，軟糯嘅外層冰皮包裹着多款口味嘅幼滑豆蓉，中間夾着法國海鹽焦糖脆脆，爆脆、鬆化。（訂購詳情）

●皇玥：首度與慈善機構仁愛堂合作，推出特別版「皇玥‧仁愛堂低糖雙色月餅」(低糖芝麻及低糖烏龍月餅，4件裝)，於皇玥全線分店及仁愛堂20個服務單位銷售。禮盒設計以歡樂的深粉紅色為主色，設計師特別以簡潔線條繪畫出仁愛堂服務對象及不同的社區服務，組成一個圓形，除了象徵團圓，亦象徵社會上眾人一同手牽手，互相幫助，歡樂和諧生活。精緻的月餅禮盒，配上低糖芝麻及低糖烏龍兩款口味組合，採用麥芽糖醇代替白糖，大幅減低糖分，並將糖分控制在5%以內。

邊寫邊搵資料，發現原來還有好多新口味，明天繼續！

作者：Laurie Wu（愛保健愛旅遊愛購物的熟女）
[email protected]