樂●活｜動漫迷必搶

以前提起模型都會即時諗起係男仔嘅玩兒，但隨住愈嚟愈多品牌推出更多唔同款式、主題嘅模型之後，可以話係無論大人細路都有粉絲。

好似Q posket角色模型就以可愛別緻見稱，備受玩具迷追捧，更加係唔少人嘅個人收藏品系列首選。荃灣如心廣場正舉行「如心廣場 X Q posket Wonderland」主題活動，即日至9月28日商場會變身成Wonderland，讓大家瞬間置身動漫世界，與多位Q posket最新人氣角色模型近距離接觸，當中包括《SPY X FAMILY》嘅人氣角色安妮亞、黃昏及約兒；《咒術迴戰》嘅虎仗悠仁、伏黑惠及釘崎野薔薇；公主迷至愛嘅《迪士尼》公主美人小魚仙以及《百變小櫻Clear咭》中嘅甜美主角木之本櫻，場內更有TinyTAN公仔首個展示區，可愛造型配上型格甫士，各人均有獨特服裝及配飾。

此外，場內更設有期間限定店，出售多款最新人氣Q posket產品，包括新登場嘅《SPY X FAMILY》系列及《咒術迴戰》系列產品。於限定店消費滿指定金額，即可加$50換購指定D.I.Y人氣角色永生花擺設禮品。NINA CLUB 會員憑2,000積分或顧客於如心廣場、翩滙坊及華懋集團商場以電子貨幣即日消費滿$1,200，更可換領Q Posket公仔模型。

除咗Figure之外，LEGO亦愈嚟愈多收藏級嘅選擇！繼早前嘅碧姬公主The Mighty Bowser亦會喺10月1日重磅登場。由2,087塊顆粒拼砌而成、高32cm、寬41cm及深28cm嘅LEGO Super Mario The Mighty Bowser加入新設計元素重現出庫巴的多種造型細節，除神還原巨大嘅身驅和背上嘅尖刺甲殼造型外，粉絲們也可以自由控制庫巴頭頸或移動手臂、手指及尾巴等位置，並啟動火球發射器，可以透過各種發揮和創造，拼砌出自己喜愛和熟悉嘅國王庫巴，喚起每個經典遊戲回憶。

71411 The Mighty Bowser嘅加入將為LEGO Super Mario世界帶來新一波大戰！以火球為武器嘅庫巴兇猛無比，從不害怕任何攻擊，更可與先前推出的Super Mario入門競賽跑道選擇讓庫巴與Mario（71360）、Luigi（71387）或是Peach公主（71403）進行對戰。啟動火球發射器發動攻擊，操控按鈕進行戰鬥，創造出獨一無二嘅關卡進行世紀大戰。除了兇悍邪惡的巨無霸庫巴外，The Mighty Bowser戰鬥平台上設置了兩座霸氣高塔，可以通過操控按鈕控制庫巴，從而推倒高塔。

作者：Laurie Wu（愛保健愛旅遊愛購物的熟女）

 

[email protected]