樂●活｜顏色的力量

剛過去嘅假期，去咗一間以綠色植物做主題嘅咖啡店﹐店內嘅布置同埋食物都有一種讓人感到身心重回生活基本原點、重拾活力嘅魔力。

所講嘅咖啡店名叫FROM SEED TO WISH (FSTW.COFFEE)，店內以白色主調裝潢平靜心靈，再用黑色料理沉穩內心，同埋綠色植物帶來願望，仲有馥郁咖啡提升活力，可以為係提供一個放鬆嘅空間，憑藉四種富有力量嘅顏色，讓疲憊嘅嘅大家得到歇息兼洗滌心靈，重拾對生活嘅熱情。

今次去嘅係太子店，主打黑色料理菜單，用最內歛嘅顏色，透過食物吃下沉穩感覺，安定內心。全店意粉換上墨魚麵、以竹炭粉特製而成嘅黑色窩夫、全港首創Black Lemonade「黑色特調」，實行以黑色喚醒視覺，接通味蕾，刷新感官。至於九龍灣店就以東南亞風味為主要食物設計元素，包括黃薑飯、班蘭飲品等，為大家締造一個猶如置身南國嘅輕鬆氛圍。

除咗撫慰心靈嘅美食外，咖啡店當然唔少得一杯為都市繁忙人提神嘅咖啡。眾所周知，咖啡獨特香氣及成分，可以具提振精神功效，FSTW更透過咖啡嘅製作過程，將咖啡對都市人身心靈嘅治療功效發揮到最大。FSTW提供嘅招牌虹吸咖啡，喺味道上比一般手沖咖啡更醇厚，而以虹吸壺製作咖啡時，獨有嘅和煦紅光與咖啡迴蕩停留時刻，彷彿將時間留住，讓大家從視覺開始，直至嗅覺、味覺，盡情享受身心放鬆一刻。店內所用嘅咖啡豆直接從原產地訂購，再由本地烘焙師烘焙，於虹吸製作之下，風味更顯突出。

作為綠色植物主題咖啡店，FSTW深信植物能使人減壓、療瘉身心最簡單嘅方法，故此兩家分店同樣精心種植了各種綠色植物，包括仙洞龜背竹、黑魔法海芋及斑葉龍爪蔓綠絨等供客人欣賞及購買。滿場的綠植為咖啡店帶來一絲絲浪漫氣息，務求為客人於鬧市當中開拓出一個清澈的放鬆空間。今次去嘅太子店更有戶外空間，邀請咗本地新生代多媒體藝術家Ameila於牆上及店內不同地方設計上各式綠葉圖案。FSTW於店內處處滲透綠植元素，大家更可將店入面出售嘅綠植帶回家中。

喺揀嘢食嘅時候亦可以多選擇「綠色」食物，為可持續發展及個人身體健康出一分力。植物肉近年愈嚟愈受熱愛環保生活嘅人士歡迎，而其不斷創新的口味，吸引大家嘗試素食，實踐低碳少肉嘅生活。美心MX再次夥拍 Impossible Foods，推出全新「植物豬肉豉椒煎蛋飯」，帶來簡單、美味又低碳嘅選擇。「植物豬肉豉椒煎蛋飯」以惹味十足嘅豉椒汁炒香植物豬肉碎，加入爽口青紅椒及洋蔥粒等配料，香氣十足，令口感幾可亂真的植物肉嘅美味昇華，再加上香口嫩滑嘅脆邊荷包蛋及粒粒分明嘅金黃炒飯，口感豐富與味道衝擊味蕾，可說係集美味與低碳於一身。

推出全新植物肉餐單嘅同時美心MX更透過獲B-Corp認證及關注氣候危機的社會企業EcoMatcher推出植樹計劃，成為全港首間支持大家邊食邊植樹的連鎖快餐店。喺推出「植物豬肉豉椒煎蛋飯」期間，凡顧客享用這款新菜式，每售出兩公斤Impossible植物豬肉，便會透過EcoMatcher種植一棵樹，促進碳截存。

另外，DREYER’SREAL DELIGHT新推出兩款以大豆蛋白製成，不含動物成分嘅素GREEN雪條，以朱古力脆皮包裹著宇治抺茶或呂宋芒果內餡，香滑濃郁嘅口感及味道將「素」之體驗再度昇華，而且每支70毫升含零克反式脂肪及零人造色素，啖啖輕鬆美味。即日至9月21日期間，於綠行俠網店及其葵涌門市消費滿$50，即可憑收據換領DREYER’SREAL DELIGHT PLANT-BASED FROZEN DESSERT指定口味乙杯。另由即日起至9月28日期間，於綠在元朗及綠在大埔參加指定教育活動，更可換領DREYER’S REAL DELIGHTPLANT-BASED FROZEN DESSERT指定口味乙杯。

家有嬰幼兒嘅家中，應該儲儲埋埋唔少奶粉罐。荷蘭皇家菲仕蘭旗下嬰幼兒配方奶粉品牌美素佳兒早於舊年推出咗全港首創嘅智能奶粉罐回收機，為市民提供可靠便捷嘅回收方法。今年9月將於9月一連四個星期六，菲仕蘭會走入四區街頭，鼓勵大人及小朋友一同快樂回收。菲仕蘭呼籲大家可帶備用完洗淨的奶粉罐（任何品牌）來進行回收，小朋友更可即場試玩由回收奶粉罐製成的自動機械鼓，只要搖動把手，就可以打出叮叮噹噹嘅動感節拍。三輪車更會展示簡單的回收及廢物利用小知識，包括如何利用家裡廢棄的奶粉罐、金屬罐或紙包等乳製品容器，升級製作成為花盆、存錢筒等有用物件，讓大家了解更多惜物環保資訊。而於10至12月，第二階段的流動回收站緊接其後接力，菲仕蘭將聯乘全港首間紙包飲品盒回收漿廠喵坊Mil Mill，推出全港首架回收牛牛車，向多個屋苑出發，幫大家回收減廢！

 

作者：Laurie Wu（愛保健愛旅遊愛購物的熟女）

[email protected]