樂●活｜萬聖節搞搞新意思

萬聖節除咗去主題樂園或者蘭桂坊玩，覺得傳統鬼屋、扮鬼扮馬有欠挑戰性及新意，其實仲有好多選擇！

劇本殺近年大熱，以實景劇本殺及原創劇本作招徠嘅第二人生體驗館，今個萬聖節就推出咗《恐怖馬拉松劇本殺》，除有套票優惠外，萬聖節當日的預約更會恐怖升級，驚恐程度爆燈。現時5大劇本 (4個恐怖本及1個歡樂本) 開放預約，支持全實境玩法，挑戰默契和膽量。劇本包括以民初時期香港的偏僻古村鎖羅門村為背景嘅《 盂蘭勝會 》、故事發生在前身為殯儀館嘅功成戲院嘅《 魅及上映 》，仲有《 愛幼婦產醫院 》、《 如月街7號》及《 試映會 》。恐怖馬拉松劇本殺》 劇本殺套票，更可組合不同朋友一起購買套票，由即日起至10月30日前購買2個場次以上，可用於預約即日起至11月30日的場次(10月31日當日除外)。

至於維園道銅鑼灣避風塘海濱嘅「活力避風塘主題區」，會喺10月29、30及11月5、6日一連兩個周末，迎來主題區首個秋季周末嘉年華，當中包括「迷你許願燈製作班」、「活力避風塘主題區—攝影比賽」、「海濱Busking Jam」及「嘩鬼維港遊」（10月29、30日限定）等特備環節外，更邀請了傳統水上人黎帶金女士與其孫女即場表演香港非物質文化遺產之一的水上人「嘆歌」，並獲本地人氣歌手小塵埃、Michael C及Paula Au輪流獻唱，市民可體會新舊音樂於維港海岸擦出的新火花，約定大家在秋高氣爽的周末享受海景與音樂。其中10月29、30日適逢萬聖節，海濱特別安排演藝人員到場扮鬼扮馬，以搞鬼造型跟遊人打卡玩樂，大派小禮物，更開放場地予Busking歌手自由表演，為活力避風塘主題區增添氣氛。

另外，D2 Place會喺即日至10月31日舉行 MarketJapJap x 謝森龍異 D2喪屍市集 、及MarketJapJap x 捌月插畫 D2 喪屍市集 - 餓死啦! 喪屍工作坊及美食嘉年華。活動除咗有 @samtse_2013 謝森龍異繪畫主題插畫，帶大家走入紅黑色嘅恐怖世界，更邀請了 @ei8htmonths捌月插畫繪畫主題插畫，帶來恐怕之外另一個體驗，發掘喪屍嘅可愛一面。場地分別設有喪屍出籠大型打卡位置，大家可走進充滿逼力嘅喪屍世界和可愛喪屍打卡位、試玩喪屍boardgame，及萬聖節主題手工工作坊等等。

作者：Laurie Wu（愛保健愛旅遊愛購物的熟女） [email protected]