搬屋都黐住衛詩雅 陳家樂默認同連詩雅感情穩定

衛詩雅和陳家樂昨晚出席英皇電影《感動她77次》首映禮，訪問中衛詩雅踢爆這位好朋友經常跟著她，連搬屋都搬到她家附近。陳家樂即急急腳解釋：「咁衛詩雅對投資有研究，我又跟佢意見，而且最近夜晚好無聊要煲劇，大家又咁啱追緊同一套劇，可以討論劇情！」

是否因為女友連詩雅不在香港，有拖拍都覺得無聊？他尷尬表示：「唔講呢啲嘞，低調。（公司不准拍拖？）一向都唔講。（連詩雅IG向你隔空派心？）咩隔空？總之好開心好穩定，我啱啱拍完《金手指》，所以有空閒時間就做運動、煮嘢食同煲劇。」

陳家樂最近健身成果顯著，令衛詩雅也被感染一齊做Gym。早前操到手痛的她問對方借了按摩槍，但因為又重又嘈而沒有用。陳家樂聞言即道：「枝按摩槍好貴，差唔多一萬蚊，同埋有醫學用途㗎！係要有人幫手按，你唔用但又未還畀我。」咁不如由陳家樂幫手按？衛詩雅即時拒絕，「佢太惹火，好危險！」男方就搞笑表示：「枝槍唔使你還嘞！」