囝囝真身終於曝光 美國女歌手Haley大方展示妊娠紋

26歲美國女歌手Halsey上月宣布為編劇男友Alev Aydin誕下兒子，並取名為Ender Ridley Aydin，因為曾三度流產，Halsey在訪問中透露想做媽媽多過做歌手。

做咗媽媽一個月，Halsey好享受，之前為響應「世界哺乳周」，仲抱埋B仔去草地曬太陽兼餵人奶。今日Halsey終於公開囝囝得意樣，雖然只係見到鼻仔同嘴仔，但面仔肥嘟嘟好得意，除咗B仔樣，仲有爸爸肉緊錫錫囝囝相同埋Halsey嘅產後妊娠紋，鬼妹仔唔怕晒紋唔好睇，見證佗B經歷，都係一件溫馨事。