呢個老竇好有計 張震嶽拎囝囝藥水樽蓋當Shot杯

張震嶽跟老婆小涵交往近8年，2018年結婚9月做老竇，囝囝「小谷沐」就快3歲，阿嶽日前出席活時透露想再生個女，不過再係仔都無所謂，仲話打算同老婆補辦婚宴，事關家中長輩經常「提醒」佢，覺得有啲煩嘅佢決定年底會搞，場地選址台北。

另外，阿嶽又提到預計今年內會推出新專輯，雖然工作好忙，但都會盡量陪囝囝，又主動講起囝囝「小谷沐」，指他跟自己童年一樣超級好動，語言能力發展亦較慢，但運動天份又好高，話咁快就學識玩滑板車。肯主動講屋企，仲要講咁多，都話做咗老竇人係會變。

經常喺IG Po同囝囝相處點滴嘅阿嶽開心大發現，就係囝囝嘅藥水樽蓋原來可以當Shot杯飲Tequila Shot，佢將樽蓋一字排開，每隔一個蓋放片檸檬，評語係:「簡直完美」。