Juicy叮｜惡頂女上司上任半年被炒 打工仔：剃人頭者人亦剃其頭

他朝君體也相同，你對人好，人對你好，若打工仔遇到非常惡頂的上司，又如何是好？有網民近日向facebook的「奴工處」投稿，指其公司早前有一名女上司剛上任，但她對同事的態度十分差，「好似全世界得罪過佢，殺咗佢全家咁，對公司所有嘢都唔滿意，所有員工喺佢眼中都係垃圾」，曾有同事工作時將釘書機撞跌落地下，女上司隨即大鬧，其間更夾雜粗口，指斥他破壞公司財物，聲稱要發警告信，以儆效尤。

事主形容新女上司不熟悉公司運作，經常提出主意，惟所有同事表示「平常啲工作程序唔係咁」，她便會破口大鬧，若發生意外便會推卸責任，令所有同事非常煩惱，甚至出現離職潮，「每個星期都有人遞信走，一係有人俾佢炒，炒大鑊即時賠錢走亦有幾個，請人都請唔切，部門運作大受影響」，而事主亦另謀高就。

早兩星期，有舊同事向事主提及，該名女上司某天被高層叫到總部開會，不足一小時便離開所有工作群組，「大家知佢畀人炒咗，前前後後做咗唔夠半年，剃人頭者人亦剃其頭，炒人炒得咁爽，自己都被人炒埋。」

帖文出街後，不少網民都估事主任職哪一個行業，又呼籲他將女上司的姓名公開，讓大家「執生」，不過亦有人表示公司聘請該女上司，可能根本要她做「dirty work」，「可能呢個係請佢嘅目的，就係要炒哂啲人」、「其實有時要逆地而處，先可以感受到嗰個位置的困難，所以有時嗰個人，嗰個位置係咪要咁做，真係好難講啱定錯」、「呢啲冰山一角，奴隸社會嚟」、「新人事新作風，邊個未遇過」。


來源：奴工處fb