Juicy叮｜食客質疑炒貴刁太細碟 經理稱接投訴太大份拒加量惹議

顧客投訴餐廳食物份量少時有發生，但反過來投訴份量太多則頗為罕見。有網民在「食在元朗」上載一碟炒貴刁的圖片，指在某間食肆叫了一碟68元的炒貴刁午餐，「呢碟刁真係好鬼貴」。當事人找一眾網民評理，「大家覺得呢個餐的份量係咪太過多呢？！」

當事人不滿食物份量太少，甚至上食評網站找來同一餐廳的炒貴刁照片對質，「係咪廚房平時都係畀咁少」。結果經理聲稱有客人投訴的食物份量多，「經理話平時啲食客都食唔晒一個貴刁，又食唔曬晒飯，全部都要倒落垃圾桶，所以要減少份量！」

最終經理不肯退、不肯換、不肯加，當事人只好將該碟貴刁留給小朋友吃，她不忿指「所以就唔可以補番炒貴刁畀我，下午茶都不如的午餐真係搵笨！」

有網民質疑份量不合理，「上手食淨架嘛？」、「連個碟底都遮蓋唔晒係咪俾雀仔食？」、「BB班啲小朋友都覺得份量少啦！大人一定唔夠飽」；不少網民都覺得匪夷所思，「第一次聽份量多要投訴」，有人反問「咩話，咁都講得出，投訴佩量多？咁我投訴價錢貴，像咪可以減多啲！」。


帖文轉載自「食在元朗」