古天后日誌｜港股累跌幾千點 半生不死低位徘徊

10月3日，天晴，又氣炎熱，即使嚟到重陽節，炎熱天氣仍然退減。上周五美股繼續全線下跌，美國核心PCE高過預期，通脹高居不下，加上弓Nike庫存急升44%，拖累股價急跌13%，反映高通下加上經濟不景氣下，美國企業經營困難重重。雖然美股好友曾於盤中一度反擊，不過再有聯儲局官員驚告通脹對金融系統構成風險，更有投行表示目前情況嚴峻，令美股尾市再插水，三大指數再跌逾1%。

繼大型零售連鎖店Walmart，Target出現高庫存問題後，Nike喺第三季庫存大增44%，其中北美地區庫存一增65%，反映高通帳打擊零售業，令鏛售放緩，零售銷售止步入滯銷階段，而美國連續兩季出現負增長，衰退已無可避免，重點係滯脹究竟要持續幾耐。

過往美國一味以QE救經濟，出現疫情後，聯儲局亦未有預料到因為航運及供應鏈問題，通脹急升，至今年初爆發俄烏戰爭，令油價大升，進一步加深通脹問題，聯儲局唯有一再調高息率預測，目前已確認年底息率將高見4.6%。過去美國遇到經濟放緩，聯儲局都係用QE救市，但目前通脹高企下，QE無法用得著，因為再放水如同以火水救火。值得留意係疫倩爆發前，標指大約喺3400水平，其實依家都不過係回到接近爆疫水平，美股實在未算股災，聯儲局又何來要出手救市。而聯儲局嘅存在，兩大目標分別係控制通脹及確保就業市場健康，喺就業市場情況唔係太差，而通脹仍然高企下，聯儲局亦無藉口可以改變目前嘅加息政策。本周美國將會公布就業數據，除非就業市場急速惡化，否則聯儲局都係以控制通脹為先。

本周A股黃金周假期休市，上周有消息指中證監下達指導，叫內地基金唔准沽貨，不過你唔沽人哋外資一樣無面畀，A股上周仍見下跌，而兩市成交一減再減，反映A股市場跟港股一欂，缺水情況嚴重。港股更加無嘢好講，恒指上周累創低位，已逼近17000水平，並創11年新低。港股時光倒流，香港喺通脹下樣樣都加價，唯獨港股大減價亦無人吼，再加上外圍走弱，港股想反彈亦有心無力。不過畢竟由9月至今，港股已跌逾3000點，大戶未必再狠狠再踩底港股，即使淡友亦趁機會平倉，要再大大力做淡值博率亦大減，加上呢個星期只有四個交易日，港股可能又進入半生不死嘅狀況。