Juicy叮｜老闆周年宴訂「兩餸飯到會」惹議 網民直言「即刻遞信」

臨近年尾，不少公司亦會舉辦周年宴。有打工仔在網上發文指，其老闆預訂兩餸飯到會作為周年宴，隨即在網上引起熱議。

有打工仔日前在Facebook群組「香港兩餸飯關注組」發文，提到老闆預訂兩餸飯到會作為公司周年宴，共花費800元，並指「好食過大餐廳，炸豬扒、糖醋排骨，冇得彈」。從其分享的照片可見，餐桌上放滿多款中式食品，包括西蘭花、肉餅、炸豬扒及糖醋排骨等共6個菜式，另有白飯及炒米粉。

請點擊組圖瀏覽：

打工仔指，老闆預訂兩餸飯到會作為公司週年宴。「香港兩餸飯關注組」FB

樓主大讚「好食過大餐廳」。「香港兩餸飯關注組」FB

餐桌上放滿6款中式菜式。「香港兩餸飯關注組」FB

另有白飯及炒米粉。「香港兩餸飯關注組」FB

有人留言詢問餐廳詳情。FB截圖

有人大讚「平靚正」等。FB截圖

有網民則留言指「小妹一定即刻遞信」。網頁截圖

不少網民認為相關做法沒有問題，並指「其實食小菜都唔錯呀」、「好過叫埋啲聖誕餐，沙律、串燒、拼盤果啲又貴又唔夠食」、「幾好樣」、「好吸引」、「勁正喎」、「幾有創意丫，好過一圍圍」、「平靚正」等。有人更留言詢問餐廳詳情，並指「請問在那裏訂呢？你的份量是多少呢？因為我都想訂呀…謝謝」、「邊間，我想知店鋪名」、「請問邊間可以訂？」等。

相關新聞：

Juicy叮｜男友稱食兩餸飯可減肥 港女憂不太健康：認真咩？：https://bit.ly/3jfGRMO
Juicy叮｜炒炸燒賣登陸兩餸飯 網友熱列期盼：魚蛋燒賣腸粉飯：https://bit.ly/3F39oxu
Juicy叮｜暫代阿媽煮飯慘被家人批「豬都唔食」 港女呻：被嫌三嫌四唔好受：https://bit.ly/3F4CBrY
Juicy叮｜女友嫌棄兩餸飯 港男感不解：下次叫三餸飯會唔會開心啲？：https://bit.ly/3F2JnhN

相關帖文隨後亦被分享至其他討論區，有網民認為「睇落兩餸飯其實唔差啦」、「好食咪得囉」、「平時食到會啲嘢唔係差唔多咩」、「幾個人食，食得飽就ok啦」等。不過，有網民則留言指「小妹一定即刻遞信」，隨後則有人回覆指「叫到會就遞信，香港人真係好矜貴」、「咁好餸都唔知足，係咪要叫韓國鹹菜醃菜、歐洲生冷蔬菜，先叫高級」。

帖文來源：「香港兩餸飯關注組」

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY