Juicy叮｜Boxing Day初次約會港男帶食雙餸飯 女方即借尿遁離場

價錢便宜又美味的雙餸飯深受歡迎。不過，有港男則發文指，在昨日的Boxing Day(26日)，第一次相約女網友見面，並到一間售賣雙餸飯的餐廳吃午餐。沒料到，女方在進入餐廳後竟借尿遁離開，令他大呻「乜真係好失禮咩？」

該名港男在Dcard討論區以「乜真係好失禮咩？點解可以就咁走咗去」為題發文，提到本月初透過應用程式認識一名女網民，「大家一路都幾好傾，仲愈嚟愈曖昧添」，直到在Boxing Day終於成功相約對方外出見面。他指，由於當時已是中午12時，加上在早上未有吃早餐，「大家都有啲肚餓，咪去食飯先」。他指，雙方在途中有說有笑，「我問佢食咩佢又話冇乜所謂，咪同佢去附近間賣雙餸飯嘅餐廳食個quick lunch 醫下肚囉。」

請點擊組圖瀏覽：

樓主帶女網友到一間售賣雙餸飯的餐廳吃午餐。資料圖片

樓主形容雙餸飯價廉物美，而且選擇多。資料圖片

部分人則批評女方的行為沒有禮貌。網頁截圖

不少網民則認為樓主帶女方吃雙餸飯的決定錯誤。網頁截圖

有人直言樓主「憑實力單身」。網頁截圖

另有人則關注另一個重點。網頁截圖

直到在進入餐廳後，女方表示想去洗手間，讓樓主先行購買食物。樓主指，「咁我買好大家嘅嘢食，坐喺到等咗佢成半個鐘都未出嚟，我以為佢係咪喺入面出咗事，Signal 佢又唔應機，打畀佢又唔通」。樓主續指，由於該餐廳沒有洗手間，因此需要走到附近商場，因此認為需要較長時間亦是合理，「點知原來佢已經一早走咗人，最後我唯有一個人打包兩盒飯返屋企食」。樓主指，回到大廈的地下大堂時，保安詢問他「今日過節都唔出去玩咩？」，自己隨即有苦難言，亦不好意思說出真相。

樓主在帖文中大呻，「請問雙餸飯真係好失禮咩？ 」，並形容雙餸飯價廉物美，而且選擇多，並指「都係食個lunch啫，唔啱食咪出聲囉，轉場去食omakase都得㗎，點解要就咁走咗去咁無禮貌喎」。他又指，「本身大家係諗住全日出嚟玩，我晚上仲book 咗去東方文華同佢食buffet，依家唔洗啦，晚上我食埋佢剩低果盒飯算喇。」

相關新聞：

Juicy叮｜老闆周年宴訂「兩餸飯到會」惹議 網民直言「即刻遞信」：https://bit.ly/3WFatl2
Juicy叮｜男友稱食兩餸飯可減肥 港女憂不太健康：認真咩？：https://bit.ly/3jfGRMO
Juicy叮｜炒炸燒賣登陸兩餸飯 網友熱列期盼：魚蛋燒賣腸粉飯：https://bit.ly/3F39oxu
Juicy叮｜暫代阿媽煮飯慘被家人批「豬都唔食」 港女呻：被嫌三嫌四唔好受：https://bit.ly/3F4CBrY
Juicy叮｜女友嫌棄兩餸飯 港男感不解：下次叫三餸飯會唔會開心啲？：https://bit.ly/3F2JnhN

不少網民則認為樓主帶女方吃雙餸飯的決定錯誤，並指「如果你同佢嘅第一餐飯係去酒店buffet嘅話，結局應該好唔同。講真啦，第一次約人出嚟，求其都唔會係雙餸飯」、「雙餸飯本身冇問題，問題係第一次約喎，普普通通一間餐廳都應該要啦，不過佢直接走冇講聲又衰咗啲」、「雙餸飯，仲要第一次約，請我都唔食啦」、「第1次約女仔出嚟食飯揀雙餸飯，幫你唔到，係都揀間正常嘅餐廳啦」、「你真係憑實力單身，約人我係完全冇雙餸飯個概念。就算幾窮都唔第一次見就食啲咁嘅掛，一個人就話求X其食啫」等。

部分人則批評女方的行為沒有禮貌，並指「第一次雙餸飯，真係搞唔掂。不過個女仔都無禮貌，最多食完無下次」、「雙餸飯又唔係好算咩嘅，但係佢好唔尊重，好冇禮貌」、「痴線，個女仔又話冇所謂，唔鍾意食都唔駛粒聲唔出就走咗，一啲禮貌都冇」、「恭喜樓主啊，咁嘅女仔早啲睇清幾好啊，真係幾冇禮貌下」等。另有人則關注另一個重點，並指「我就唔信你揀得雙餸飯，夜晚會同佢食文華buffet囉」、「其實文華似老吹，上個月尾都full晒12月尾booking，月頭先識又點會畀你食到」等。有人則猜測「定係佢純粹搵唔到廁所，搵咗好耐咋，結果返來都發現你走咗」，而樓主則回覆指「開頭我都以為係咁，但其實等咗唔止30分鐘，我唔介意等，不過佢完全唔應機，直頭封鎖咗我」。

帖文來源：Dcard討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrg