愉景灣渡輪加價 居民無奈：加價就有佢講冇你講 只能接受
2024-08-09 18:55 
運輸署批准愉景灣航運來往中環及愉景灣渡輪航線的票價調整申請，本月11日生效。成人以現金繳付的新票價由46元加至55.8元，小童現金票價由23元增至27.9元。已登記八達通的成人票價則由33.5元加至38.2元，小童由16.8元加至19.1元。有居民稱碼頭裝潢豪華沒有必要，亦有居民稱服務、設施物有所值。
居民指碼頭裝潢豪華無必要
居民Judy表示十分無奈，「加價就有佢講冇你講」，雖然認為加價不合理，但表示居民並無話語權，只能接受。她稱近年來愉景灣商業活動不斷增加，雖然渡輪或有虧損，但「做生意唔係咁計，要拉上補下」，直言「賺嗰部分就唔講，蝕嗰部分就呱呱叫，唔可以咁樣分開黎計」。她觀察到，越來越多居民選乘愉景灣至東涌、欣澳的巴士，渡輪乘客減少，導致虧損是「必然定律」，但近來經濟不景，「好多人走，周圍又冇生意」，稱愉景灣本來衣食住行物價已高，舉例說區內一個飯盒也要索價65元，加價無疑是增加普通人經濟負擔。她亦嘆稱愉景灣不再是人們嚮往的幽靜村落。
另一居於愉景灣12年的居民江先生認為加價非常不合理。他稱，居民群組中有不少人質疑渡輪公司大灑金錢將碼頭裝潢得十分豪華，「入到去好似酒店咁」，導致帳面上出現虧損，方申請加價。他認為碼頭豪華裝修沒有必要：「好似隔離珀麗灣（碼頭）咁，夠用咪得」，又舉例說「譬如我係條路上面鋪黃金、鋪鑽石，但每個人經過我都收100蚊得唔得啊」。
他說，他與不少居民過去幾個月曾多次寫信及電郵予運輸署署長及副署長，才成功將原加幅60%降低至現時的14-21%，「否則可能加多50-60%都有機會」，但仍然認為加幅不合理。他認為，現時經濟環境「唔係咁好」，「好多人人工冇以前咁好，資產物業又跌價」，加幅10%以內會較為容易接受。
在離島工作的居民何先生表示，愉景灣渡輪加價，相比起橫水渡的計劃加幅而言，「好合理」，認為其服務、團隊都物有所值，相比起其他私人會所，愉景灣「碼頭又靚啲，員工服務好啲，船隻又準時，啲船又唔舊」。
長者黃先生雖非愉景灣居民，但不時去遊玩，他認為加幅「加太多」，但就認為愉景灣居民「都有資產，可能對佢地黎講影響唔大」，稱「不同階層，不同睇法」。
記者 李麗蕊
最新回應