星8卦丨「純情」靠「才子」上位 苦忍爛滾行為一招從此收服浪子聽話

講到為男人不惜一切，完全唔介意帶幾多頂綠帽，就非「純情」莫屬。係㗎，綠帽唔只限於男人嘅，「純情」咁多年都不知被背叛幾多次，但對「才子」始終不離不棄，又真係前世爭呢個男人。

相關閱讀：星8卦丨「整容」送外賣送到嫁人生仔   「小明」無懼被嘲笑娶妻一家和睦

「才子」喺「純情」冇人識嘅情況下幫咗佢唔少，連身邊嘅追求者都畀佢搞殘，原因係自己唔夠自信又霸道囉，到「純情」做咗自己條女之後，「才子」覺得係人生大贏家，所以開始繼續獵食，完全唔理啲人點睇，就算俾人影到又如何，總之我係一名浪子。「純情」又真係好妙，當外面啲風風雨雨好似唔存在，因為「才子」成日情緒勒索「純情」 話自己勢力好大，如果唔係當日不顧一切將佢捧到上天，邊度有咁好嘅收入同名聲。

相關閱讀：星8卦丨「嬌嬌」好命有繼父經濟支持做梅香 激死阿媽諗計要阿女重新做人  

雖然話呢個係事實，但「才子」滾到竟然畀人捉黃腳雞，影晒啲核突偷食合照，公開唔緊要，「純情」嘅面子就更最重要，大家即時叫佢唔好諗咁多，實行借機分手，為自己將來計劃下。點知「純情」一啲都冇嘢，然後同「才子」提出，而家除咗我同你結婚，睇怕你都唔使旨意有得翻身。結果就好似個核彈咁大威力，當兩個人宣布婚訊，即時令到「純情」好多朋友同佢割蓆，覺得做女人做到咁冇底線，認真唔爭氣！「純情」其實心裏有數，最重要可以令「才子」聽話，唔敢再以為自己大晒就已經當贏咗。

相關閱讀：星8卦丨 「大婆」被飛閃嫁「才俊」旺夫陷騙局慘變第三者