星8卦丨「纯情」靠「才子」上位 苦忍烂滚行为一招从此收服浪子听话

讲到为男人不惜一切，完全唔介意带几多顶绿帽，就非「纯情」莫属。系㗎，绿帽唔只限于男人嘅，「纯情」咁多年都不知被背叛几多次，但对「才子」始终不离不弃，又真系前世争呢个男人。

相关阅读：星8卦丨「整容」送外卖送到嫁人生仔   「小明」无惧被嘲笑娶妻一家和睦

「才子」喺「纯情」冇人识嘅情况下帮咗佢唔少，连身边嘅追求者都畀佢搞残，原因系自己唔够自信又霸道罗，到「纯情」做咗自己条女之后，「才子」觉得系人生大赢家，所以开始继续猎食，完全唔理啲人点睇，就算俾人影到又如何，总之我系一名浪子。「纯情」又真系好妙，当外面啲风风雨雨好似唔存在，因为「才子」成日情绪勒索「纯情」 话自己势力好大，如果唔系当日不顾一切将佢捧到上天，边度有咁好嘅收入同名声。

相关阅读：星8卦丨「娇娇」好命有继父经济支持做梅香 激死阿妈谂计要阿女重新做人  

虽然话呢个系事实，但「才子」滚到竟然畀人捉黄脚鸡，影晒啲核突偷食合照，公开唔紧要，「纯情」嘅面子就更最重要，大家即时叫佢唔好谂咁多，实行借机分手，为自己将来计划下。点知「纯情」一啲都冇嘢，然后同「才子」提出，而家除咗我同你结婚，睇怕你都唔使旨意有得翻身。结果就好似个核弹咁大威力，当两个人宣布婚讯，即时令到「纯情」好多朋友同佢割席，觉得做女人做到咁冇底线，认真唔争气！「纯情」其实心里有数，最重要可以令「才子」听话，唔敢再以为自己大晒就已经当赢咗。

相关阅读：星8卦丨 「大婆」被飞闪嫁「才俊」旺夫陷骗局惨变第三者