【维港会】新楼设计被嫌无旧屋苑实用 网民称因几贵都有人买

2020年香港楼价仅仅回落1%，楼价高但又不代表住屋质素相应地高，有「连登讨论区」网民批评，近年香港新楼的设计并不实用，网民就指正因需求强劲再贵都有人买，无需要花心机设计。

网民发文指「点解依家香港无能力再起返啲实而不华嘅楼?点解香港再起唔返第一城。 美孚新邨， 太古城， 康怡呢啲楼？」他指，现在新楼都豪宅化，落地玻璃、开放式厨房、分体式冷气，又被迫要狭小的露台，房间又不好摆位。

网民留言认为，香港土地房屋供不应求，「可以从配额嘅角度去睇，如果只够皮做十个手袋，你会去做花巧嘅、赚得多嘅Hermès 定假设高CP值嘅Coach?但如果皮供应充足，唔系人人买得起Hermès ，只要有钱赚，自然有发展商迎合唔同需求，好似电话咁，iPhone都有分pro/max」、「全部都系成本问题，则愈画愈细细咪要做open kitchen 罗」。

有网民指，因为再不实用、再贵的楼都有人买，「啲冰有咁大粒得咁大粒，饮管有咁粗得咁粗，呢啲野唔系要我教呀」、「首先个样呃到人买已经卖贵啲，而且实唔实用都系go go go，咁点解要咁辛苦画好张则」、「人地研究过就算建筑成本额外加几多都好，佢都赚得返，所以你见落地玻璃、分体冷气再加个假天花遮晒啲明喉，开放式厨房抽晒啲位，再送埋全套厨房洁具同吊柜，仲塞埋炉头洗衣机俾你，只要外观够靓起到中晒market，价格再升一样有人买」。

不过也有人喜欢新楼设计，「用过open 返唔到转头，小型家庭有几可大煮，我宁愿用埋啲位做饭厅」、「窗口式会冷气机滴水劲麻烦，同埋分体式又静又舒服，搭棚有咩问题，最紧要用得开心」、「其实我锺意啲楼有露台畀我种吓野，养狗，望吓街吹风」。