【独家】Keep住33C「蜜桃胸」兼蛇腰陈庭欣爱冲浪消耗全身力气

2021-01-14 23:12

由方绍聪(奶仔)主持的J2全新节目《野外步出》邀得一班TVB「小花」挑战刺激玩意，考验靓女嘅胆色。下周一（18日）晚轮到陈庭欣（Toby）大玩冇绳滑浪(Wakesurf)。拥有33C动感「蜜桃胸」嘅Toby，虽然身穿樽到上颈的长袖彩缯泳衣出镜，但其贴身剪裁，加上修长美腿，突显完美身形！Toby开心笑说：「男友杨振源（Benny）冇赞我索，只系赞件泳衣靓！」采访：方骞平

内文：节目中陈庭欣收起性感冇晒身材，不过，出镜嘅贴身泳衣就展现出她33C-22.5-35身段及美态，相当吸睛。陈庭欣哈哈大笑说：「多谢！因为平日都有做开运动，唔会畀自己过份肥，而且有玩开Wakesurf，花费好大气力，可以Keep到全身，不过𠵱家冬天冇得再玩，所以肥咗。」

提到打头阵嘅江嘉敏玩高空飞索，但hea足1粒钟淆底唔敢飞，陈庭欣就冇江嘉敏咁惊青，「我前年夏天开始接触Wakesurf，觉得女仔玩Wakesurf影相同拍片好靓。初期我试过跳落水时成块板飞起，撼到我右眼对下颧骨位置，瘀到紫黑色咁，所以休息咗一段时间冇玩，直至去年夏天再玩番。今次只系挑战难度边滑边举住伞，不过，因为不停咁上水同埋跌落水，搞到个妆甩晒，上到岸对脚攰到抽筋，返到屋企痛到行到跛跛吓。」而陈庭欣最后接受「奶仔」访问时，讲番5岁半爱雀「Warawara」突然猝逝，及曾用4日时间寻回失踪鹦鹉Shabushabu都有爆喊，「我人生冇乜大风浪，平平稳稳比好多人幸福，但Warawara突然猝逝令我好伤心，感受无论系身边人同宠物，时刻都要好好珍惜。」