【独家】拍档踢爆「瞒孕」拍《五星II》　沈卓盈佗B开工仆亲激嬲老公

沈卓盈（Jess）和邝芷凡（Omi）及新加入的「女神经」梁诺妍（Inez）为香港开电视节目《五星级丝打II》担任主持。后两者唔觉意踢爆大肚Jess拍摄时着高踭鞋跑上跑落，仲试过被地毯Kick到双膝撞落地，吓到老公喝令佢唔准再出街！讲到《五》节目超旺丁，上辑主持倪晨曦和Jess先后大肚，自言随时「闪生」的Inez即被爆趁机睇酒席，仲睇到流哂口水！撰文、摄影：黎宝伦　 化妆：Phoebe Y@PhoebeYImage（沈卓盈）、Chris（梁诺妍）　髪型：Eas Fu @ AdmiX Hair Styling（沈卓盈）、jackal @HAiR（梁诺妍）　服装：tout a coup（梁诺妍）　场地提供：Mini Central

36岁的沈卓盈与商人老公杜灏标结婚两年，今年元旦宣布造人成功！目前佗B约7个月的Jess早前瞒孕拍《五星级丝打II》，邝芷凡和梁诺妍大爆：「佢唔想我哋Extra take care佢，惊麻烦到我哋，所以佢冇同我哋讲，如果知道就会叫佢小心啲，佢成日着对好高嘅高踭鞋行嚟行去，早几日膝头哥仲撞咗落地，瘀晒，好危险！」问老公可有担心？Jess娇嗔：「佢听到都吓死，叫我唔好岀街，边度都唔好去，但俾地毯Kick亲唔关我事㗎嘛，以后会加倍小心。」

大肚易攰
提到介绍了不少酒店及美酒佳肴，大肚的Jess却未能尽情享受，Inez笑言生冷及最高级的美食都由她「顶」，Omi补充：「佢食得嘅我哋都畀佢大快朵颐，平时拍嘢只系食两啖，但今次佢食晒，食饱就瞓，令我哋都好怀疑佢大肚。」Jess坦言因妊娠反应，令她拍摄时好易攰、飙汗又呕，搞到卡都冇力打，「嗰时好饿，但又谂唔到食乜，好纠结。」向来嗜甜的她更忽然抗拒甜品，转食Pizza、薯条，令好友陈凯琳猜测今胎是B仔，Jess故作神秘：「我知BB性别，但想畀大家估吓，仔女都冇所谓，最紧要健康。」

随时闪生
对于《五》非常旺丁，问被批奉子成婚的Inez会否是下一个？她即射波：「Omi加油呀！（Omi：佢已经睇晒新房、婚宴场地，仲流哂口水，应该Ready喇！）冇呀！我年纪Ready罗，又唔惊大肚嘅。（期待？）有就嚟㗎喇，话唔定真系闪生。」Jess即笑称要对亲家，那么跟洪永城几时结婚？Inez说：「冇特别计划，我哋都顺其自然、玩即兴嘅，而家向住呢个方向进发。」