【三八妇女节】郭奕芯露乳沟为自己打气 冰冷冯盈盈同郭少芸撞样
2021-03-08 17:00 
今日系「三八妇女节」，唔少为事业而拼搏紧嘅女艺人好似郭奕芯、李佳芯、胡定欣、港姐谢嘉怡、冯盈盈等，分别喺社交网发文为自己打气。其中以33C郭奕芯真空上阵，中门大开露「乳沟」最吸睛，从黑白相中突显型格，加埋把长长湿发，好性感。她留言：「无论怎样，你都要很努力，知道吗？」网民叮嘱她加油同时，大赞她系「女神」。
网民取笑冯盈盈嘴唇中咗毒
至于「话题女王」冯盈盈束了一个新发型，配埋黑唇色，变身cool爆黑贵妇，她以英文留言：「每个成功女人嘅背后，都有一班女人支持住。」唔少粉丝大赞盈盈冰冷新造型既好睇又出众，但竟然有人指她同郭少芸撞样，又话她嘴唇中咗毒，毒性好严重，相当搞笑。
单身李佳芯修剪烦恼丝自强
传回复单身的李佳芯(Ali)，修剪咗「三千烦恼丝」，换了新发型额前有浏海。Ali同样身穿黑色外衣，精神奕奕亮相，留言「梦，就是要奋力追来」，fans大赞新发型好睇又衬她，又叫她加油，沿途一直会支持她。
清纯谢嘉怡唔要后悔每一天
而化咗个靓妆，依然清纯谢嘉怡(Lisa) 发图文，表达格言系：「永远唔要后悔每一天，好日子系带畀你幸福；坏日子成为我哋成长嘅经验。」
關鍵字
最新回应