UA结业好唏嘘叹人生冇希望 洪金宝忧市民生活心酸流眼泪

洪金宝今日出席电影《边缘行者》开镜仪式，太太高丽虹亦陪伴在侧。虽然屡次被传健康欠佳，但他今日精神饱满，更快跑出场相当精灵！他透露已有近两年没接戏，今次客串演大哥：「唔会刻意要求剧组安排休息时间，因为休息咗两年，有工开仲开心！」

洪金宝又指香港电影业仍有工开已值得开心：「香港人拍香港电影嘛！唔知几时会停呢？今日听到UA全线结业，可能连电影及电视都就快没落，要听返收音机，香港乜都复古！（唏嘘？）当然啦！以前成日行戏院睇观众反应，依家冇呢支歌仔唱嘞！」

洪金宝坦言十分欣赏及佩服有电影公司疫情下仍开戏，自己则没这本事。会否减片酬支持同业？他笑说：「如果政府搵我拍就唔使减啦，大把钱，同业就有得倾。（希望政府帮助电影业？）唔讲咁多嘞！人生冇希望，只希望香港仲有空气可以呼吸，睇电视见到老百姓嘅生活都心酸，想帮都帮唔到咁多，唯一可以做就系流眼泪。」