【维港会】任精算丈夫5年内失业3年 妻叹：行衰运仲未完

经济低迷下不同阶层市民失业已经成常事，网民在网上讨论区「亲子王国」发文，指丈夫5年内3次失业，前后3年无工开，期间完全靠积蓄度日，慨叹是「行衰运仲未完」。

女网民慨叹，丈夫2016年初开始失业, 好不容易用了2年3个月先成功找到工作。 以为终于重见光明，岂料上班4个月又要离职。 隔了10个月先找到新工作， 「做咗未够两年而家要裁员， 而家又开始失业。 真系行咗几年衰运仲未完」。

网民解释，丈夫任职精算师， 「都系专业人士但行头太窄，揾过精算同金融都好难揾，佢又唔肯做低级职位」。她透露，「市道好做得好嗰阵人工当然好。以前精算都排列喺 top pay 嘅行业， 仲谂住第时等个仔大个叫佢考虑入呢行，而家见到我老公咁真系唔好入， 行头太窄」。

网民慨叹，丈夫可能以往运程太好，「 读书成绩又好 ，廿几岁有老婆有屋有仔 ，样样都畅顺，所以到三十尾就开始衰」。

有网民认为发文者丈夫应该能屈能伸，先去做低层工种，「马死落地行都要㗎啦，佢本身系咁专业嘅行业，一时放唔低自尊心啫，好好咁同佢倾下，又要供楼养小朋友，咩都要做住先㗎啦，迟啲好景返骑牛搵马先，就搵返自己嗰个行头、靠积蓄过活真系好危险」、「男士普遍死要面，唔衰得。尤其做开高级的，点肯轻易做低级职位」

但亦有人指出即使愿意转行也不容易，「有时候，亦唔一定你肯放下身段就代表人地会请你。因为太专业而且人工高，普通的工，人哋也知你不会做得长，都是骑牛搵马，自然就唔会请。」、「我系普通公司嘅老细都唔会请，老实讲你一定做唔长，市好返你愿意再屈就吗，除非系决心转行不再回头，或者想做慈善要贡献社会，如果唔系我都同意学下嘢，等疫情过后再搵」


帖文转载自《5年失业3次，至少 3年无工开》