【维港会】朋友邀登门作客讲明饭后夹钱 网民弹肉酸惹争议

人情还人情，数目要分明，这句説话一向説者无心、听者有意。网民在网上讨论区「亲子王国」发文，指有朋友邀请上门作客火锅，却表明需要事后凑钱，网民直言觉得好「肉酸」。

发文者说，有朋友邀请她同其他朋友去对方新界郊区的住所打边炉聚餐，之后主人家系在手机程式WhatsApp上讲明买完食品、饮品之后需要再凑回钱，发文者直言，「讲到出口有啲肉酸，如果我主动邀请人，我唔会要人夹，自己唔好意思。如果我系被邀请上去嘅，我不会老奉觉得你请，我会之后主动讲话夹。 」

发文者透露，「佢（主人家）话会买哂所有嘢，我估应该都会买过量，因佢份人都计较。」她又抱怨，「因为太熟悉佢份人，我成日请人食饭，有来有往双向先做到朋友。我去旅行会买手信送畀佢，但佢去的话就空手而回。又成日听佢话男友点储信用卡，久而久知都觉得佢哋...其实今次要去到新界劲偏地方参观佢家，真系唔想去」。

发文者左右为难，如果拒绝出席聚餐主人家就会觉得不赏面，只好无奈赴会。她昨日再补充，前日再三问户主有否物资需要帮手买，主人家话准备好。「今日临到前先系咁话漏左乜未买，我地拿拿临去买，而家几攰」

有一批网民留言认为，「完全唔觉得有问题，食嘢夹钱系最正常不过嘅事 。事先讲明仲好，大家都预左要夹，唔洗食完拍拍patpat就走。」、「事前讲清楚几好, 你可以选择去定唔去」、「人地叫你上去gathering，同讲明请你食饭有分别，而家你上去人地屋企就expect 人哋畀哂钱，唔俾就话人小家肉酸，我觉得你小家啲」、「朋友们每次去我屋企都有夹钱，我觉得因为大家想搵个地方食饭又唔限时交枱，所以来我屋企咋，我真系唔系谂住请大家食饭」。

不过另外一批网民则认为，「我做唔出咁小家。可能佢好手紧」、「我都未试过，我定对方畀钱都未试过会去夹返，如果要夹不如唔好请人上去，出去食饭AA咪仲好」、「我认为请得人哋去自己屋企玩就唔好话要夹钱。讲真，朋友如果识做点都会买啲嘢上去或者主动话买啲咩上去」。

也有人认为要视乎食材价值、视乎交情，「如食贵嘢如海鲜龙虾长脚蟹贵红酒等等，讲明ok嘅，唔系个个咁识做自动自觉夹钱架嘛。如果煮家常便饭都讲出口就」、「其实咁介意夹唔夹钱呢个问题，大家都应该系酒肉朋友，如果真心朋友，我真系唔介意请人食饭，或者上人屋企要夹钱，成日要计较，自己过更自在吧？」

帖文转载自《如果朋友邀请你去佢屋企，讲到明要夹钱》