【维港会】烟民外佣放假回家有烟酒味 雇主抱怨反被指管得太多

外佣工馀时间的生活应否受规管向来有争议，有雇主在「香港讨论区」发文，抱怨有吸烟习惯的外佣放假回家，常常有一阵烟酒味道，甚至家人的衣服都沾染上香烟味，令她十分不满。

雇主指，数月前发现外佣半夜在厕所食烟，但聘请之前已经跟雇佣公司表明不想有吸烟习惯的外佣，「我当时同佢讲一系佢戒烟，一系我叫公司再搵嗰个」。

之后外佣无在厕所食烟，雇主以为外佣已经戒烟。在复活节长假期外佣足足放了5日假，但雇主自己做家务时，在洗衣服时发现一阵烟味，「我原本都以为系隔离屋有人食烟先有呢阵味，但系我搵清楚，啲味系由佢啲衫传出嚟，因为我自己啲衫同佢啲衫都系一齐洗，所以我啲衫都有一阵烟味」

雇主之后质问外佣，对方承认有继续吸烟，还反驳「净系放假先出街食，无再系厕所同屋企食烟」，不过雇主不满「真系接受唔到，因为少少味我都会闻到。之前佢收晒啲衫系洗衣篮，不过老实讲句，啲三手烟痴到落衫到又未必洗得走晒啲有害物质」。

雇主又不满，有几次外佣放完假回家明显是饮醉酒，一身烟酒味，还辩称只是饮了两三罐酒。雇主担心，「工人姐姐已经入屋差唔多年几，份约仲有一段时间，如果要搵个新，我又怕疫情搞到好难搵，但系佢啲三手烟又会搞到屋企一阵味，影响到屋企人健康」。

有网民留言质疑雇主管得太多，「放假喺外面烟酒都要管？人哋同你打工咋，唔系做你奴隶呀！」、「飘洋过海过得黎做嘢都系成年人，唔系小朋友，你返工有压力，你识得用自己方法解压，就唔畀人有压力？唔畀人用自己方法解压？当然前提系唔犯法。」、「如果佢工作做足你要求，放假出街食下烟，饮下酒放松下都唔过份姐。系屋企食就佢唔啱，放假出街你都要管?洗衫方面，咪分返开洗罗，有乜咁麻烦?反正洗衫等家务都系叫姐姐做架啦」

不过也有人建议，「唔喜欢就换掉吧，勉强无幸福，不过现在找工人比较难，因为菲印都经济发展咗，多了本地工作，少了工人到外面做外佣，她们有时也会拣雇主拣工作。」、「要求戒又好似讲唔通。补钱炒佢，当自己同佢唔好彩。」、「我同情你，一个混身烟味的人长时间在身边，真是好困扰。而且你聘用前已声明不要吸烟的女人，这是agent的错，应找 agent算账。吸烟危害健康，快快换人。」

帖文转载自《工人姐姐有吸烟习惯，次次放假返到嚟都成阵烟酒味…… 》