【维港会】3年无床事揭外遇 结婚17年港妈：扮好老公好爸爸极恐怖

一名港妈在网上发文，结婚17年的丈夫，虽然过去3年没有床事，但每日相处僞装成好好先生，准时回家又上缴薪水，结果最近意外揭发，原来2年前已经与另一名20多岁女子有外遇，令她大受打击。

港妈在网上讨论区「亲子王国」发文，「有一日早上我老公收到电话，电话里面个女人好大声、好嗲咁话佢今日放假，我老公好快cut 线，但我己feel到咩事，即时问佢，初初佢唔认，但我一直好激动，佢就话佢系倾吓电话」。

港妈十分沮丧，称「我之前仲一路怪自己系咪我有问题，点解三年无同我有性生活，由陀BB 开始无床事，依家终于知道真相，但最恐怖系我老公一直系好老公好爸爸，每日出门前会钖我一啖，每日差不多十点零就回家，放假就family day，又会主动凑仔，换片开奶，煮饭，同BB 冲凉，过时过节必定陪我，出粮成份粮畀哂我」

港妈透露，丈夫与第三者经交友程式认识，住得不近但同区上班。有时候丈夫早收工，就用这些时间去行街食饭、上对方住所寻欢。港妈又补充，后来检查手机记录原来丈夫已经有外遇两年多，亦不只是倾电话，而是男女朋友关系，甚至亦有性关系。「我老公每日打好多次电话畀佢倾电话，仲倾好耐，但同我每日都系得收工一个电话，话我知佢收工跟住就收线」。

港妈说，当时很生气要离婚，但丈夫不停道歉，声称不会再找第三者，希望不要离婚。事发三星期后，港妈仍然每日以泪洗脸，「个心好痛，我唔知点面对，如我选择原谅，我又未接受到，我依家日日脑海都成日出现佢同另一个女人一齐拖手行街性交呢画面，我无信心，佢啲大话太劲，可以瞒住我咁耐」

她又指，丈夫表面一切如常，只是转换电话号码，以及开启定位让事主检查去向，「佢真系好恐怖，佢真系无内疚感架，呢三星期佢同以前一样无分别，一様好顾家，但就多咗报告行踪，每去一个点都话我知，又影相畀我睇」


有网民奉劝，「所谓原谅其实系一时接受唔到头家会散，但心入面嘅不安系可以好折磨，只要老公听少次电话覆迟信息，已经令受过伤嘅老婆乱谂一通」，「警觉性高就唔会三年无性行为都唔觉得有问题，佢而家表面可能系斩缆，不过都要经济上攞多少少，好过迟啲人又冇，钱都冇，有机会个女人爆大镬迫佢拣」

有过来人说，「我老公同都系family man，但系啲女人可以烂泥咁黐上去，首先要知道了解自身婚姻中有冇问题，坦诚相告，畀机会大家慢慢解决，希望你老公能够重新更爱你， 比定心丸你。时间一定能冲淡一切，只要你也还爱你老公，向前望 ，还有比17年更长的路要走。虽然我仍在疗伤中 但已经比之前好很多，加油」

帖文转载自《应唔应该原谅佢》