跟周星驰搵食已洞悉危机 田启文入行40载不断自我增值
2021-05-27 22:30 
田启文（田鸡）为杨盼盼主持的香港开电视节目《盼你赏面》担任嘉宾，自幼对娱乐圈事业充满热诚的他，笑言自己也是「武林高手」，皆因小时候为入行而学过蔡李佛拳，「嗰时喺天台练，个心成日以为自己得，觉得练过功夫系咪会易啲入娱乐圈，但入行后，一拍动作戏就受伤，发觉呢行饭（动作演员）唔系咁啱自己食，其实我而家觉得动作演员人工太平，唔够睇跌打，个个动作演员都做到五劳七伤，所以我特别尊重动作演员，用动作去赚呢口饭。」
谈到入行首份工是在电视台当临时演员，惜不获家人支持，因觉得他没有个人之处，并不适合在娱乐圈发展，搞到跟家人反晒面的田鸡说：「佢哋话『到冇嘢捞你就知』，点知不幸畀佢哋讲中，有一段时间冇工开，我顶到山穷水尽、积蓄用晒，唯有去搵普通工，点知见工日，收到电话话请我做『看景』，看住拍摄嘅场景。」
在娱乐圈打滚逾40年，田鸡亦体会到要自我增值，他说：「做临时演员时，有一次深刻体会，有日见到个黑白片时代嘅主角，但而家则沦为配角，于是我心谂『主角唔代表一世都系主角，会有被淘汰嘅时候』，所以就开始有危机感，一定要自我增值；另一次危机感出现，就系跟住『伟大嘅神』周星驰，嗰时好多人都会话系跟住周星驰嘅田鸡，但嗰时我谂『万一佢退休唔做又会点呢？』，好居安思危。」
關鍵字
最新回应