一家三口玩SPIDER-MAN RIDE超兴奋 陈冠希玩到系咁讲Oh Shxt

40岁的陈冠希(Edison)自从有个女Alaia后，IG愈嚟愈多囡囡相，亦唔介意Po女友秦舒培合照公开晒恩爱，香港人记忆中好锺意影相嘅暴躁坏男孩终于修心养性。不过，日前爆出一段16年Edison网撩内地女生的对话，当时Son哥女友秦舒培正怀孕中。Edison对此未有任何回应，寻日仲一家三口率先试玩加洲迪士尼乐园的漫威主题园区，由入场到玩到玩完都表现兴奋。

迪士尼乐园的新漫威主题园区「复仇者校园」今日正式开放，Edison一家寻日获邀率先试玩。Edison拎住特别入场券非常Hyper，佢不断Po相记录呢个第一次，又自拍又影园区，排队玩SPIDER-MAN RIDE时仲以「My Queen 」嚟介绍女友秦舒培，穿上粉红睡公主裙嘅4岁囡囡Alaia同妈妈都好开心，仲听Edison讲扮蜘蛛侠射出蜘蛛丝。以传媒身份入场的Edison好忙，因为佢一边玩游戏一边拍片。全段片6分35秒，Edison排队时已系咁讲oh Shxt，到上游戏车开始玩就不断兴奋大叫，未曾听过Son哥咁兴奋，都几好笑。