【独家】冯智恒导演睇中个样生得钝 胡子彤演躁狂仔拍到抑郁

由冯智恒执导电影《遗爱》以一个横跨两代的悲情案件作蓝本，讲述年轻母亲Elisa（陈汉娜饰）诞下廸诗（陶禧玲饰）后犯误杀罪，举目无亲的迪诗于廿年后亦因藏毒被捕。饰演廸诗爸爸的胡子彤今次一脱阳光形象，角色性格较单纯兼躁狂，被冯导封为「人生胜利组」的他直言是一个重大尝试，仲拍到唔识笑又抑郁！撰文：黎宝伦　摄影：谭壹致　化妆：Bon Bon@MOD makeup academy（子彤）　发型：Keith@O4（子彤）　服装：Club Monaco（子彤）、nila_room（禧玲）

谈到选角，导演冯智恒笑言睇中胡子彤又钝又有爆发力，「同龄嘅演员好多都好岀色，但个个都有种『泡菜』感觉，即系唇红齿白，姜B（姜涛）咁嘅样。」语毕子彤打趣道：「哗你睇住呀！啲『姜糖』即刻轰你呀！」冯导即补飞：「我哋拍时姜B未岀道嘛，否则都唔会搵你啦，哈哈！」由于今次角色沉重，全情投入拍摄的子彤也首次出现骚后抑郁，「成个影视圈都改变紧，我又遇到一个咁嘅机会，做得好唔好唔够胆讲，但相信大家会见到一个唔同嘅我，希望大家尝试接受唔同嘅演员同片种。」

陶禧玲大赞郑中基
2019年底，欧铠淳传背子彤偷食女篮球员，恰巧戏中老婆也被横刀夺爱，问现实中可遇过「帽」事？子彤笑谓：「冇冇冇，我咁有型，傻㗎咩！（遇到会只眼开只眼闭？）佢唔识货啦！我Fit到咁，唔系嘛？讲笑啫！佢既然做得呢个选择就要背负后果。」至于首次试镜差啲被Foul的陶禧玲，获冯导一句点醒即演出「惨情遗孤」的神髓，她直言拍摄期间长期处于消沉的氛围。问与郑中基对戏可有压力？禧玲即赞对方亲切、冇架子，「佢有同我分享演戏时点投入角色。」