超低胸床上典嚟典去 Billie Eilish新歌MV疯狂「倒奶」

美国乐坛炙手可热嘅19岁创作歌手Billie Eilish出道以来形象独特，凭住一头萤光绿配黑发造型加Oversized衣着配搭，乜都唔做斋企喺度都认得佢系边个。不过早前佢大改形象以性感造型登上时尚杂志《VOGUE》英国版封面，染咗一头金发加性感马甲大哂超澎湃身材，乐迷反应超两极，有人赞好有人叫唔好。我行我素的Billie一于少理，事关她出道初期就系怕俾人恶意批评身材先著松身衫裤，家阵人红自信多咗，懒理负评最紧要自己锺意。

Billie昨日推出全新单曲《Lost Cause》，继续踼走怪异风格，再次以性感造型示人！歌词内提到Billie对前任嘅行为失望，直指对方是废物，配合MV入面Billie同老友搞性感睡衣派对嘅画面，象徵女性释放自己，唔再活喺前度阴影之下！

MV由Billie自编自演，请咗6个好姊妹齐开睡衣Party，成班大胸囡囡着晒低胸衫，喺床上黐实晒又对住镜头唱歌，仲要「金丝雀」咁典嚟典去，心口巨肉能见度极高，难得Billie完全唔怕走光！典完床又去客厅忘情热舞，众人跳上枱系咁扭萝，又不停弹弹吓，咁高性感指数嘅Billie真系第一次见，MV中众囡囡玩飞镖、喷彩带又乱食零食，务求以狂欢派对释放自己！

对于Billie今次身材大晒冷式MV，Fans都纷纷留言大赞Billie非常性感，更赞她性感得嚟唔色情低俗，成功传递女性要拒绝被物化、坚守身体自主权嘅讯息！