【Juicy叮】交3800蚊长女近月失业欲减家用 被家人嫌少促缩至一餐伙食或搬出去

有女网民在网上讨论区「亲子王国」发文，指其家庭重男轻女，她平常交3800元家用，但因近月曾经失业，找到新工作也无力支付，结果被家人嫌弃少，敦促只包一餐伙食或乾脆搬出去住。

发文者称为家中长女，还有一个胞弟，家中一向重男轻女，家中有甚麽事情都不能发表意见，否则一开口就被指不对。

她透露，「我一出黎做嘢搵$7,000，就要畀$3,000做家用，即42.86%咁多；但当时份工系要过海，所以车费都用咗$500；而屋企人都话（已经）无攞我一半家用咁多」。

她不忿弟弟投身社会办事，但都不用交月入4成家用，虽然这十几年来不知他到底交了多少家用，但她「好肯定系佢钟意就畀，畀几多就畀几多；而根本无畀过佢人工的42.86%咁多」，「我细佬搵的钱一定多我一倍有多」。

而去年底发文者被公司解雇，曾经有3个月失业，到现在找到新工作但薪酬减少了，她透露，上一份工作月薪超过1.5万元，现在新工就却不足1.5万元。她希望有所调整，但家人坚持家用「只可加不可减」。发文者不满，「其实我由出黎做嘢到现在已加到$3,800，但屋企人都话没有加过俾佢地；甚至话$3,800好多咩，搵唔到咁多系你无本事；但其实返新工后我都系俾少咗$600」。

发文者抱怨，「其实一直畀的家用屋企好多嘢都唔包；包的只有中午的鸡脾一只及间中在家吃的晚饭」。她当初答应做新工作是因为怕家人埋怨在家好吃懒做，现在找到工作却又埋怨交少了家用。「屋企人话既然我畀唔到，一系只包我一餐，又或者我搬出去住」，发文者担心搬出去难以负担所以十分无奈。

有网民留言，「如果我d屋企人咁绝情，我宁愿搬出去住细啲，不一定劏房，5千可以找到分租房。真系好难想像父母收少几百家用就会同仔女讲减少一餐或者要你走，比著我会心淡同伤心。」

不过也有人认为，「你搵万几两万，食住都畀唔到四千蚊屋企，讲真真系好少」、「家用够唔够要睇你屋企每月开支几多。你唔同屋企人住，自己出去住都要俾租同杂费。既然关系唔好，当你租客就计清楚佢。屋企所有开支除人头，你就会知自己畀得够唔够。$3800你搬出去住一定唔够畀，而且你已成年，有返工，你屋企人可能唔想再补贴你」、「$3800叫夹钱煮饭而已。真系冇资格叫畀家用。在下199x年月入八千畀五千家用，你今日自己试下四千元岀去住睇下够唔够洗？收入小就自己想办法改善.....成年人有自己责任,咪比人叫啃老族吧...」、「你一个海返工就话要减屋企六百蚊，畀我系父母都会嬲嬲地， 所以咪减返你一餐饭罗。」

帖文转载自「究竟家用俾几多先至够」