C朗一家六口西班牙小岛度假 丰满C朗嫂玩水上电单车玩到转圈

葡萄牙在欧国杯16强被比利时踢出局，C朗（Cristiano Ronaldo）冇波踢就带埋女友洛迪古丝及4名子女去西班牙小岛Majorca度假。当C朗享受爽到爆的天伦乐之际，超级经理人文迪斯据报将飞到意大利，跟祖云达斯商讨呢位葡萄牙球王嘅前途。

工作嘢唔谂住，C朗好享受呢个假期，继寻日上载一家六口喺豪华游艇嘅合照及单人Show肌照后，今日论到C朗嫂，着住肉色三点式，非常丰满嘅佢好开咁玩水上电单车，仲玩到打晒圈咁，玩完刺激嘢就绕住男友手晒太阳，天堂咁嘅生活呀。