【《造星IV》面试】被花姐祖祖「兜口兜面」闹 黄榕爆喊：真系接受唔到

以全女班为招徕的ViuTV真人骚《全民造星IV》今日进行第三日面试，在芸芸参赛者中，竟然见到一个熟悉的面孔，这个人正是入行接近20年的黄榕！39岁的黄榕身穿露腰配短裙，大晒腹肌及纤腿，她声称准备了几个高难度动作，但其强项之一的一字马「腿咚」则没机会展示，问到面试的成绩如何？她突然爆喊地说：「我系有啲唔开心，可能因为紧张，我小跳步入场，即刻畀花姐话我好唔尊重场合。仲因为要带同个人简介，我就带咗写真集，点知另一个评审梁祖尧问我觉得写真集系性感抑或系色情，话我令佢好尴尬，但我觉得系性感，所以一开始嘅气氛已经唔系好好。」

黄榕续说：「跟住我跳唱咗JW嘅《逃生门》，点知又畀花姐话我歌唱得唔好、舞又跳得唔好睇，质疑我系咪冇准备；但我真系做足事前准备，加上本身跳咗多年舞。当时我仲忍住喊，以笑面对，点知花姐再话：『你个样好唔开心，做乜仲笑？』我即忍唔住喊！我知道呢个节目好严谨，事前内心都模拟过受抨击，但实在系超出预计，网上抨击可以睇完就算，但面对面咁样畀人话，真系接受唔到！」

黄榕又表示现场评审除了花姐和梁祖尧外，还有许廷铿，但她表示已不会再想这个比赛了，但也没后悔，因一向喜欢唱歌跳舞、亦喜欢真人骚、比赛又没年龄限制，反正疫情下只是留待在家中，故决定一试。