Odi约打友谊波Keep住团火 关嘉敏为拍剧多做运动训媡

奥运期间一班歌手艺人都响应全民运动，约埋一齐打返场友谊波。当日出席有陈善渝（Odi）、关嘉敏（Carman）、邓颖芝、李逸朗、张彦博同《全民造星》邓礼迪，虽然大家都系应不同朋友邀约，但一见面即鸡啄唔断。

问到Odi现场打波边个最劲？她说：「男嘅阿迪，又高大靓仔射波又准；女嘅就一定系Van仔（邓颖芝），佢好搏命，又同男仔打开，之前睇佢打MMA就知佢系快狠准。自己就好耐无打波喇，都系最近先同Gordon和同事打返，而且最近拍完《盛．舞者》先多返啲时间，希望可以keep住团火，因为一齐认真打好场波其实好热血、好开心。」

Carman则自爆：「我完全唔识打篮球，都系试过落球场射下波，好似一直同呢项运动无乜缘分。但我啱啱完咗《盛．舞者》，嚟紧就要拍剧喇，希望可以同大家打多啲波，训练下自己；亦希望大家唔好嫌弃我呢个BB班啦！」

问到张彦博何以保持超级童颜？他笑言 :「我都真系无特别去保养，可能我个人锺意做运动挂。」李逸朗最近就忙拍摄内地电视剧，刚返港可以小休一下。