【Juicy叮】港妈携3岁儿乘小巴拒付车资 司机提醒反被斥：少少钱咁紧张

大部分专綫小巴路线收费不论大小均同价，有网民于社交网投稿指，近日遇到一名母亲带刚满3岁的孩童坐小巴，却没有缴付其车费，引起司机及其他乘客围攻，该名母亲竟反斥司机，「少少钱咁紧张！」，事件更引起网民热论。

该网民于Facebook专页「生仔要考牌系列」投稿指，日前坐小巴时，小巴司机突然数次扬声询问，「系咪有人未畀钱？」，正当一众乘客怀疑自己是否未付车钱时，司机再次扬声指，「有位够咗三岁嘅小朋友未畀钱呀！」，直指一位身穿校服，且占著一个座位的小朋友。孩童的母亲则表示，「啱啱够三岁多几日咋嘛！咁计较，少少钱咁紧张！」。司机则解释因车资属公司规定，非司机自己决定，惟该母亲仍不满，「几蚊都咁计较！畀咪畀罗！」

车上有乘客目睹事件过程后，亦帮忙解释「太太，够三岁就要畀钱㗎喇，我小朋友都系咁，我谂你要习惯吓。」惟该孩童的母亲不忿回应，「我而家咪畀咗罗，仲嘈乜嘢！你哋唔好咁执著啦！」，司机无奈表示，「你上咗车10分钟都未畀啦」，乘客亦指，「太太，身教好重要，呢啲系规矩嚟，你咁样会教坏小朋友」。

未料该母亲竟反斥司机双重标准，「而家我系咪未畀钱先？司机平时啲朋友都上车唔畀钱啦，双重标准！」，再有乘客暗讽，「7000几蚊一个月学费就肯畀，几蚊车钱喺度嘈。做家长真系要考牌」。最后该母亲疑因不忿寡不敌众而中途下车。

楼主透露，该名孩童的母亲上车地点属贵价私楼地段，故估计其家境富裕，更指，「司机咁好礼貌，仲畀晒落台阶，真系面系人哋俾，架系自己丢」。

帖文引起网民的热论，网民纷纷斥该名母亲行为自私无理，「做错就要认，恐怕佢教出嚟个细路将来会同佢一样，到时呢位家长自己受返晒」、「小朋友都幼稚园，仲要侧侧膊！满三岁唔通人地会唔识睇？」、「坐左人哋个位就当然要畀钱啦，做咗人阿妈几蚊都悭，仲恶人先告状咁搞笑」。

资料来源：生仔要考牌系列