【独家】周五首与WHIZZ同台Jam歌　岑宁儿乐见本土Indie成主流

岑宁儿（Yoyo）将于本周五（6日）联同王嘉仪（Sophy）、陈嘉、乐队WHIZZ，假旺角麦花臣场馆举行《大世代OVERLAP》音乐会，届时4个单位会进行Crossover演出，Yoyo率先透露与WHIZZ互唱大家的歌，「第一次同佢哋合作感觉好青春，好开心，因为我冇组过Band，所以都锺意同Band夹吓，佢哋嘅默契同平时啲乐手睇谱有啲唔一样，会用自己互相玩紧嗰段嘢、最重视嗰Part，佢哋一讲就知讲边Part，跟住我就唔知佢哋讲边Part罗，但合作又唔会困难，因为彩排之前都有沟通、整Demo。」

是次音乐会由《乐坛已死》幕后班底策划，由王双骏担任音乐总监。对于本港「乐坛已死」这个说法，移居台湾10年的Yoyo今年终「回流」，稍后更推出首张广东专辑《风的形状》，她表示当年离开香港到台湾发展，并非因唔睇好本土市场，「当年去台湾发展系因为写咗好多国语歌，10年前喺呢度（香港）同啲唱片公司倾，嗰阵时气氛又唔系好似而家咁多唱作人，我自己都唔系好Sure想做啲咩音乐、冇而家咁清楚个风格，所以搵嘅时候，如果畀我嘅空间未必够、佢有想要我做嘅嘢的话，我就唔够胆答应，但喺台湾做Indie相对空间啲，亦较易遇到啲人一齐玩。不过去年底返嚟，而家又好似容易遇到啲人一齐玩，Indie愈嚟愈Major，我觉得呢个系趋势。」这两年遇上疫情，Yoyo也决定暂别「空中飞人」的生活，留港筹备新专辑，同名新歌《风的形状》亦于上月推出。


撰文：黎宝伦　摄影：张咏森　发型：Sam Lo @Orient 4　化妆：On Ki Lau