Juicy叮｜任职10年不欢而散 网民遭同事挖苦：连60个人散水饼都买唔起

有网民在facebook专页「奴工处」指，在同一间公司任职10年后，因为待遇不公而辞职，离职当日没有买「散水饼」，结果被同事挖苦「连60件西饼都买唔起」。

发文者指，同一间公司任职10年，由原本好开心变到好心淡，本身人工得1万元已经好少，还要处理很多吃力不讨好工作，今年6月底因不公平对待而辞职，

发文者递信当日，老板还冷眼说发文者一定会后悔，发文者于是「叫佢放心，我唔会后悔」。交辞职信之后发文者同所有人讲：「多谢大家，我决定辞职啦，大家唔需要破费去同我搞欢送」。翌日起老板及其他人就每日安排发文者独自工作，「趁我一个人做嘢嗰阵，就去茶水间一齐开party，细声讲大声笑」。

发文者上星期离职，当日无买到「散水饼」，同事趁发文者离开大门的一刻，大声问：「做咗咁多年，唔系连60件西饼都买唔起呀？请唔起全公司，请我哋呢team人都好呀，计埋都系10个之嘛！」发文者当时不懂反应，之后直接回答：「当初我都讲明唔使大家破费同我搞欢送，原因系我唔想亏欠大家，所以根本唔使请大家食散水饼！」

有网民留言称，「散水饼系人食嘅食物，果班嘢都唔啱食呢啲人食嘅嘢，而且全部都穷到买唔起西饼畀自己食啊阴功，你旧公司嘅待遇睇嚟都坚・刻薄，走得好啊喂」、「咁就更加证明无买散水饼系啱嘅～不过依家个风气好似派乜都错咁，呢啲M又俾人串，普通蛋糕又俾人话cheap, 唔派又话，真系好难」

不过也有人质疑，「好奇一问咩工做十年得一万？」，有人估计「俾老细睇死你唔会走咪唔加人工罗，但点知佢又真系做10年都唔走」

帖文转载自facebook专页「奴工处」