Juicy叮｜网民辞职老板加薪挽留 惟新工加40%人工感两难

常言道：「鱼唔过塘唔肥。」指要跳槽过后薪酬才会高，但不少打工仔向公司递信辞职转工时，都会被上司以加人工挽留。有网民于facebook专页「奴工处」投稿，以「两边都加人工畀我，而家1516」为题，指自己在公司一直underpaid，但因多嘢学，所以一直未有转工，直到早前去其他公司见工，希望了解自己的「市场价」，并以此向公司反映，要求加人工，否则就辞职。

岂料事主见工的新公司出手非常大方，二话不说愿意加20%以上的人工，事主随即递信向上司请辞，「递咗信点知上司留我，帮手出声同上面争取」，最后公司更愿意加15%人工。初时事主觉得不能离开，「冇得唔留低还人情债」，只好回绝新公司的offer，但对方竟愿意再将人工加40%，令他感到非常两难，于是求助各位网民。

帖文出街后，网民的意见一致相同，认为事主「鱼唔过塘唔肥」，新公司愿意加40%人工，几乎有半个月月薪，根本不用再加以考虑，而且留在旧公司，未来数年可能都无人工加，甚至要做更多工作，所以不用跟工作谈感情，直接向上司讲声「江湖再见」便可以，「出嚟工作系为搵钱，不要同工作谈感情」、「一路都under paid，下次都唔方会再加得多畀你。分分钟几年都冇得再加」、「冇人会帮上司还人情，留系人情唔留系道理」、「15% 同40% 嚟比，唔洗问啦，除非你同我讲返工唔系为咗份人工，咁就另计」、「新公司加咁多，即系你真系值，既然旧公司一直都刻薄你，何必要留呢。」

来源：奴工处fb