Juicy叮｜40岁朋友07年起等跌市置业无望 网民庆幸靠30万上车

一句对白「人生有几多个十年？」，十几年前红遍全港。有网民分享其朋友的苦况，一名朋友由20多岁等到现在40岁都仍然在等上车，而发文者本身则早年靠30万首期顺利置业，两种人生截然不同。

发文者指，一名80后朋友, 由廿十几岁等到现在过四十岁都还在等，「佢07年俾人跣叫佢唔好买, 一等等足14年都未上到车」。对方已经放弃买楼，「佢就系人工冇点加，而家仲惊中年失业，更加唔敢买楼」。

发文者更绘影绘声形容，他性格亦变得古古怪怪，馀生在绝望同痛苦中渡过, 「反观佢同辈朋友个个买哂楼组织幸福家庭, 佢就一支公食自己。」网民形容，「依家见佢真惨，好似一世冇望咁，人到中年份工更加唔稳阵更加唔敢搏，好惨」

发文者又透露，「我24岁自己储到30万左右上楼啦，07年西环楼300尺都唔洗100万」。

网民留言形容，「07到现在楼价升一倍唔止，真系惨，无放楼的差不多供完或加按玩资产増值，可以提早享受人生，做错一个决定影响一生命运，识朋友一直租楼经常怨天尤人，几可怜」、「当年好多人 打工仔户口簿未见过一球嘢，受唔住诱惑沽自住楼，擎天半岛好多 原本自住比人震走咗跟手火箭升空」

有人指出，当事人时机已过，「其实人到中年，如果不是专业人士及政府工，收入开始持平甚至下跌，当楼价向上但收入下跌，变相永远上唔返车」。

不过也有人认为，「唔好讲到买唔到楼就好惨啦！人生仲有好多乐趣嘅」、「无钱就俾你啲所谓朋友睇唔起，可悲。」

帖文转载自「有朋友由07年等楼市跌等到依家, 变咗中佬」