阿正大爆小仪私下爱讲咸湿嘢唔拣Jeffrey做男友全因太靓仔

2022-03-12 22:00

商台DJ阿正（黄正宜）因为拍咗两辑《胶战》入晒屋，幕前的痴女形象成为网民热话。而上月踏入29岁的她，生日前接受杨诗敏（虾头）及连诗雅（Shiga）的网上节目《丝打围炉》访问，节目昨日（11日）于YouTube上架，讨论中女心态的话题。

阿正接受虾头及Shiga的网上节目访问。

庆祝埋阿正29岁生日。

阿正与主持人喺节目中讨论「中女」的定义，有人表示30至49岁的单身女子经常被标签为「中女」，而虾头正是被标签的女性，Shiga认为：「『中女』点解畀人觉得系贬义，其实好睇自己点睇。」阿正谈到自己选「中女」这个主题讨论，是想表达「中女」的定义不只是困在年龄上，「因为喺我心目中，一个人点样先系真正嘅老去，就系当你嘅思想，或者你谂嘅嘢，已经冇咗嗰种热情同干劲。」而在她身边就有一个被标签为「中女」，但阿正仍然觉得她心境好年轻的人，这人正是与她年纪相差超过20年的小仪，「我从来唔觉得同佢有代沟，因为佢讲劲多咸湿笑话，佢超幼稚！我觉得同佢倾偈完全冇问题。我望住小仪就觉得佢系女人嘅天花板，佢心境好年轻又好开心。」

阿正因为拍咗两辑《胶战》入晒屋。

同小仪虽然年纪相差20年有多，但完全冇代沟。

大爆小仪私下成日讲咸湿笑话。

对于出年就30岁的阿正来说，坦言唔急搵伴侣，谈到有些年轻的男子喜欢找年纪比自己大的女性做女友，阿正就以Jeffrey（魏浚笙）做例子，事关Jeffrey正正有一位比他年长4年的女友Evelyn（陈芷欣）。而阿正虽然在《胶战》中扮演成痴恋Jeffrey的角色，但现实中她似乎有啲怕好需要人照顾的另一半，「只能够讲上天系公平嘅，佢有啲地方系缺少咗。我（男朋友）应该唔可以去到Jeffrey呢一种咁需要照顾嘅男人。反而外表我唔可以接受太靓仔，可能因为我对自己外貌唔系特别有自信，所以觉得我一拍埋去就会有对比。」阿正觉得Jeffrey靓仔到只可以远观，不可亵玩。