林盛斌坐低耐心等待三女儿试衫 Bob嫂投诉拍拖时冇呢个待遇

2022-04-08 11:30

林盛斌（Bob）除咗孻仔林道申（Jaye）外一屋女人，包括Bob嫂黄乙颐（Pearl）、三位千金林霏儿、林熹儿、林机儿及两位佣人姐姐，所以阿Bob习惯跟女人相处及适应女人脾性。日前阿Bob陪伴三个囡囡到时装店买衫，Bob嫂大赞老公对囡囡好有耐性，当三个女儿喺时装店嘅试身室试衫时，他亳无怨言咁坐喺外边等候，Bob嫂带点投诉话，反而当日和阿Bob拍拖时冇呢啲福利及待遇。

阿Bob好锡子女。

Bob嫂真系嬲嬲猪。

Bob嫂在社交网写道说︰「嗰日，三位小姐喺时装店买衫，已经试咗十万转...当谂住俾钱嘅时候，仲要再试多件。JAYE问『乜唔系试完喇咩？（不耐烦MODE）』，爸爸答『系呀﹗仲要再试多次，女仔系咁架(㗎)喇！』，JAYE『......』利申-拍拖嘅时候除咗林先生要我买衫所以要试之外，佢好似从来冇喺试身室门外等过我！」

Bob嫂黄乙颐喺社交网出Po。

仲图文并茂，有图有真相。

不少网民留言赞阿Bob表现出「爸爸的爱」，Bob嫂表示︰「几个女轮着试衫，等咗佢好耐。」有网民说︰「没办法，爸爸的前世情人。」Bob嫂答︰「所以佢惟有静静坐喺度。」又有指「3个真系有排等。」Bob嫂答︰「所以直接坐底（低）等。」最搞笑有网对Bob嫂说出重点来︰「呢个就系『条女』同『个女』嘅分别，身同感受，对住个女仲会陪慢慢睇衫，慢慢视Tim。」