独家丨直击单身雷深如拣情趣按摩器「大食中女」买保健品保持湿润

2022-06-04 08:00

32岁独立歌手J.Arie(雷深如) 作风大胆，曾于直播频道《丝打围炉》中自爆性经验，年轻时曾经同男友试过一晚搞7次，玩足4个钟，吓亲主持人虾头和连诗雅，被封「邪恶性女」。本报日前发现「大食女」单拖喺将军澳商场行街，入到连销药品店用380蚊买咗盒虫草保健产品，又研究女性专用的按摩器，事后问返J.Arie，佢话：「女人要保健，先可以保持湿润！」。采访：方骞平摄影：沈健程

J.Arie好留意听销售员讲解，觉得啱使就买。

当日连锁店内人流唔算多，戴帽嘅J.Arie路过成人用品货架，全神贯注研究各款避孕套，期间因「贪心」拎太多喺手而跌咗两盒落地，又再望吓润滑剂及情趣用品，见佢对按摩女性敏感部位的用品特别有兴趣，驻足研究十几分钟，之后再去睇保健产品，佢好留心听销售员讲解，见啱使就买，最后放低380蚊拎埋保健品过隔离嘅日式平价服装连锁店睇内衣。

J.Arie喺成人用品货架前睇避孕套，研究吓厚薄及味道。

J.Arie对虫草保健品好有兴趣，强调「中女」需要调理身体。

J.Arie坦言系女性按摩器用家，当日睇咗好耐但未有入手。

有用开情趣用品

对于被本报直击拣情趣用品过程，J.Arie唔尴尬，「其实我都经已系一个30出头嘅中女喇，所以就一定要买返啲保健品，如果唔系就好dry，女人系要经常保持湿润嘅。」至于睇避孕套及女性按摩器，她就觉得好平常：「我梗系用家嚟啦，之前出咗只以『性上瘾』为题材嘅歌《阴阳道具》，及后都有唔少性商店提供啲性玩具、避孕套畀我试用。」J.Arie表示细个唔识玩，近几年先开始研究。「原来好多元化，尤其性玩具对一个女性，甚至系男性，唔需要搵拍档可以自我享受，系值得尊重嘅。」

期间见她揽住枝润滑剂，但最后都冇买。

之后转去拣内衣裤，仲将粉紫色Bra拼上身。

J.Arie直言如果feel到嗰晚有「大单嘢」，就会拣着性感喱士内衣裤。

《阴阳道具》MV中同强尼有激战，被社交平台列入「18禁」。

开性频道讲性经

J.Arie坦承未有可用到避孕套嘅对象，所以未入货：「以前会介意出手买『套』，会怪个男人好懒，𠵱家觉得女人买都冇问题喎，因为成件事变咗女性自主，即系如果女人想搞嘢，为著自己安全，系女性嘅自我保护机制。」对于被指系「大食女」，J.Arie反而非常自豪：「女人可以自己控制及决定开唔开心，几时锺意享受性就享受性，好正呀！我打算开条YouTube channel讲性，我觉得香港嘅性教育非常差，长辈，父母及社会都避而不谈，觉得好污糟及淫荡，女仔点解会咁冇矜持讲呢啲嘢？咁传统嘅价值观令人几无奈，同埋都几错㗎，明明系大家都应该去享受嘅平常事，但就蒙上咁多标签及被羞辱。」