简淑儿扬言不能一世靠富贵屋企 被指整容多年封嘴拒再回应

简淑儿近日接受林柏希主持的网上节目《月倾会》的访问，当年她参加港姐入行，由于现在的腰果眼样子跟当时有分别，因此一直惹来整容传闻，简淑儿对此表现无奈地说：「由我一入行到依家，选完（港姐）出嚟就已经咁讲，其实我已经答过无数咁多次，我已经唔想再答喇！如果要继续讲，呢个当然我控制唔到，但系我就选择咗唔会再答呢个问题！」

 

早前离开TVB的简淑儿接受林柏希的节目访问。

 

当年参加港姐，落败后加入娱乐圈。 ​

 

简淑儿（后左二）在TVB的近作有《我家无难事》。

 

除了整容，简淑儿一直被指是有钱女；屋企十分富贵，她谓：「屋企人搵几多都好，都同我冇乜关系，因为自己都要有自己生活，冇理由呢一世都系靠屋企㗎嘛！」简淑儿还透露当年在美国读书被欺凌：「啱啱过到去唔识讲英文，所以嗰时成日俾人虾，试过俾人剪头发、推落楼梯呀，变咗我性格好内向，佢哋（父母）见到就会觉得出嚟做嘢会好蚀底，所以想我去见识吓，咁参加港姐识多啲嘢，但就冇谂过我会留喺呢行！」

 

的确当年参选港姐的样子，跟现在的确有很大分别。

 

以前简淑儿的样子比较成熟。

 

声称不会再回应整容传闻。

 

简淑儿早前宣布离开TVB，有传因她想方便跟本身是机师的男友麦大力四处飞，她谓：「据我所知佢仲未飞返㗎，因为都仲系封紧关，同埋据我所知，佢都仲系TVB合约演员！」至于日后有何计划，简淑儿希望透过自己的努力去建立自己的价值，不是单靠公司。
 

跟麦大力拍拖约1年。

 

希望凭自己努力建立自己的价值。

 

星岛新闻集团庆回归25周年专题网站，请即浏览

立即下载 | 全新《星岛头条》APP :  https://bit.ly/3yLrgYZ