独家丨刘佩玥尴尬提周志文结婚先公开　有信心跟Bob夺拍档奖

刘佩玥（Moon）继《美丽战场》演巴辣「李静儿」后，在《超能使者》演温柔的陈展鹏亡妻「丁淑敏」，Moon开心观众都好接受。而提到跟林盛斌（Bob）夺拍档奬呼声高，她亦有信心，更开心将组情侣档搵真银。至于真情侣周志文，Moon就不愿多谈，另提到个人奖项，Moon睇得好通透，坦言控制唔到的事就无谓谂。采访：杜杜 摄影：谭志光 发型及化妆:angelaShum 服装:Harvey Nichols

Moon解释多年来未肯公开恋情，因怕父母担心。

Moon笑指观众留意她在《超》剧时瘦很多，激励她要更努力减肥。

两个差别甚大的角色「李静儿」和「丁淑敏」均得到观众喜爱，「做演员见到观众有呢个反应好开心，其实两个角色都好有难度，『李静儿』讲嘢好快又大声，好有energy，我平时唔系咁讲嘢，而『丁淑敏』系温柔嘅角色，有返贤妻感觉要放轻把声，好温柔，所有嘢都focus喺展鹏身上。」

Moon跟陈展鹏在《超》剧中，本是对恩爱小夫妻。

《超》剧中，Moon跟郭子豪偷情被陈展鹏发现。

跟林盛斌情侣档搵真银

提到早前因肠胃炎入院，大家最关心绯闻男友周志文有冇好好照顾她？她就不愿多讲强调等结婚先透露另一半身份，她解释因不想父母担心，「成日讲唔同嘅人，佢哋都会觉得你想点样，我都唔想畀到观众咁嘅感觉。」而认真交往对象一定会畀家长知，「讲过畀佢哋听有三个男友，我阿妈好搞笑，佢会摆感情落去我个伴侣身上，会有期望同感受，我同佢讲分咗手，佢都会唔开心。」Moon又称入行后有人追都会同父母讲，「希望有一日令到佢哋可以更加安心，可以交个女去畀嗰个男仕，嗰日应该系会结婚。」

Moon早前跟圈外朋友聚会，因食生冷嘢引发肠胃炎搞到半夜入院。

 

Moon跟周志文绯闻传足几年，但两人一直未肯认爱。

讲到《美》剧中跟Bob大受欢迎，获睇好夺拍档奖，Moon都觉得机会很大，「好感恩大家锺意我哋呢一对，都话『好锺意你同徐富贵呀』，真系好多谢观众，攞奖都有信心。」她更开心透露将跟Bob情侣档搵真银，「系一个bonus嚟，当然好开心，搵到个好拍档真系好感恩。」至于夺个人奖，Moon认为控制不到的事不会想太多，「我唔系讲到好清高唔care，因为控制唔到所以唔去谂，攞奬嘅嘢最好系人哋戥你唔抵，而唔系觉得你唔值。」

 

Moon在《美丽战场》的演出获赞，但她对奖项没太大期望。

Moon赞Bob是好拍档，也是她人生导师教了她很多东西。

Moon坦承并非不恨攞奖，只是控制不来就不多想。

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ