Edan为《过时·过节》谢票连踩18场 Fans热情打动清唱主题曲

2022-12-05 19:15

《过时·过节》已上映第二周，累积票房快接近800万。戏中饰演不孝子的Edan昨日现身九龙及新界五间戏院，连踩18场谢票答谢粉丝支持，而同场更有Edan的角色原型即导演曾庆宏，两个「阿阳」同场，现场气氛相当热闹。

Edan同导演齐谢票。

两个阿阳齐答观众问题。

好多Fans撑场。

Edan坦言好少同屋企人讲心事。

《过时·过节》已上映第二周，累积票房快接近800万。

虽然每场谢票场时间有限，不过Edan都尽量回答粉丝的提问，也透露了不少自己的心底话，问到《过》片对他的影响，他表示：「其实自己对演戏一直有一种迷惘，唔系好知道点样为之好同唔好，尤其今次系比较正剧嘅处理，同大家睇过嘅《大叔的爱》截然不同，所以今次好幸运遇到导演Eric、毛姐同君豪哥呢班前辈，同我倾好多计，不停调整我，令我有好多得著，包括明白多咗演戏系点嘅一回事，更加深入了解导演想带出嘅message。」

电影中一众角色因沟通不善而结下难解的结，Edan坦认自己亦不懂处理：「我都唔系同屋企人有好多沟通，似我家姐谈善言戏中角色阿琪咁，唔系好出声，由细到大好少同屋企人讲心事。不过亲身经历呢部戏，我都有学习同屋企人多啲沟通，珍惜好紧要，所以呢部电影对我嘅意义已经超越一部作品，对人生有一定影响。加上我仲系好需要阿妈嘅照顾，所以唔会好似导演咁离家出走，哈哈！」而身旁的导演曾庆宏也打趣回应：「放心，我而家有同屋企人见面及食饭嘅！」

不少粉丝问到戏中Edan与Anson Lo的关系，Edan回应说：「系好朋友嘅关系罗，不过喺电影时空就未必会带雀仔返屋企食饭，因为要带咗我阿爸君豪哥返去齐齐整整食餐饭先！」Edan由下午跑戏院到晩上，保持精灵活泼的状态，因为见粉丝相当热情的欢呼和鼓励，一向宠粉的Edan亦清唱几句电影主题曲《攀上天梯的蚂蚁》，粉丝亦一齐大合唱。Edan早前于IG Live透露稍后会再抽时间到戏院谢票，大家密切留意电影公司的公布。