淘大花园无尸命案｜涉杀情妇董事：被威胁搞散全家失控㩒佢颈脸

已婚证券公司前董事陈文深在11年前涉于淘大花园某单位杀害情妇，将尸体放入尼龙袋后驾车运往将军澳弃置。陈今日（14日）在高等法院详尽讲述杀人及运尸过程，他指情妇于案发前威胁他将会向传媒透露他婚外情一事等，他便不由自主地「㩒佢条颈、㩒佢块脸、掐佢口鼻」，但他解释说：「我想㩒住佢唔俾佢出声，我唔系想伤害佢」，「成件事唔系一个计划，我无带武器，我连车都无揸，系突然间发生，唔系我控制到嘅嘢，更加唔系我希望发生嘅事」。

陈忆述他当日上门与死者秦嘉仪分手，说明为了家庭需与秦划清界线，殊不知秦大叫并以下流粗俗的话语咒骂他家人。陈要求秦不要再威胁他，却被秦掴两巴，双方拉扯下倒地。陈坐在秦身上欲制服她，但她不断挣扎并说：「你同屋企只野鸡生咗两个嘢仔出嚟！」、「我唔会放过你，我会将我哋啲嘢讲畀报纸听，畀相佢哋登报，上你公司讲晒畀所有人听，你畀内幕我买股票，搞到你冇咗份工、身败名裂、永无宁日、永不翻身」，又指会「搞到你老婆自杀」、「我知你住边！我会搞埋你个仔！搞散你全家！」。

陈文深被控谋杀女子秦嘉仪。资料图片

陈怒火中烧，只想秦「收声」，并指秦的话语令其不开心、不满、压力迫出来，不能自控地出手按在秦的脸、口、鼻，在秦郁动时再用力按其喉咙位置。陈解释：「我个阵时咩都谂唔到，连成件事系安全定唔安全都谂唔到，我控制唔到我自己㩒、掐实佢个口同鼻，好似锁实咗咁」，「我㩒住佢口鼻个下，我感觉到我身体好似有啲嘢爆咗，好似水坝被水系咁撞撞撞」，「我记得我爆咗之后嘅感觉，好似所有野涌出来咁」。

被问及他有没有意图杀害秦嘉仪时，他回答说：「我其实当时有咩意图我都唔知，我净系记得我意图系想佢收声，但我相信我自己系无依啲意图出现过，我净系望到脑海映像与地板。」他哭述：「我点会想佢死⋯我由头到尾都想佢好，想帮佢，等佢无咁难过。」他又强调他对秦嘉仪的爱没有停止，「如果唔系咁爱佢，咁关心佢，我点会连我最爱嘅老婆都呃」。

陈称：「如果有得返转头，如果当晚唔系有咁多情绪、咁多压力，又或者嘉仪唔咁波动、咁激烈嘅话，根本咩事都唔会发生。」他又自白在首次审讯时，「我觉得我唔可以讲，我觉得好羞耻，做咗一件咁失控、咁可怕嘅事」，「我第一次讲依啲事嘅时候，我仲同老婆同两个仔一齐，我讲咗啲好蠢嘅大话，我希望可以继续同佢哋一齐，有少少希望我会捉住」。

他亦指他在第二次审讯时「好担心人哋唔能够接受依样嘢，我自己觉得好羞耻去承认失控，我讲完一个大话又一个大话」，「第一次（审讯）系为咗保护我个家，我唔想我做嘅事伤害或者影响我爱嘅人；第二次再讲嘅时候，我好担心，其他人好难会理解，点样可以影响正常嘅人变咗另一个人，令佢自己都唔认得呢个人」。他说：「我变咗另一个人咁样，我平时都唔用武力，好斯文，好好脾气，我从来都无谂过要伤害任何人」，「我当时无咗理智，无咗判断能力，咩都谂唔到」。

法庭记者：刘晓曦

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ