金像美指文念中操刀 拍摄《廿四味》Brian𥄫女𤓓史贺情人节

今日情人节，金像奖美术指导文念中导演与《廿四味》Sir JBS (Brian Siswojo) 和 Brian的太太 Annie 再次一齐创作情人节短片《鹅爱你》，继去年的《さようなら私の爱》，今年就以 iPhone 14 Pro Max 拍摄1分钟搞笑真人真事短片，提醒各位人兄爱好美好事物之馀，亦要好好爱惜生命，𥄫嘢要小心。

文念中去年以 iPhone 13 Pro Max 的电影模式 （Cinematic Mode） 拍摄微电影作品－《さよなら私の爱》（Sayonara Watashi No Ai） 。

4分钟作品以黑白画风呈现，搞笑演绎一对暧昧男女的一场密会。

片中讲述Brian同太太Annie及囡囡Tayla Siswojo身处一架车，由于Brian架车泊喺烧腊档隔离，坐于司机位的Brian望住烧鹅望到流晒口水，但同时有名长发女子在档口前扭身扭势，Brian老婆见到老公个流口水样即诈型，连个女都好唔高兴，当然件事唔系咁简单。

两公婆坐喺车，老婆拎住花本来开心。

Brian望住烧腊档。

望到流晒口水。

又真系几吸引嘅。

镜头见到一名长发女子扭身扭势。

老婆见到即兜巴星Brian。

睇嚟好大力。

镜头一转，男人嚟嘅喂。

隔住张相都闻到香味。

老婆食得几滋味。

两母女食到笑晒。

Brian做足表情。

问文导演有关拍摄过程，他表示非常顺利，一Take过搞掂，至于在片中客席出镜饰演长发女，他说是Brian要求，「佢哋叫我试，我唔Sure，疑惑得唔得㗎?佢哋猛话得。」至于点解会有呢个构思?全是Brian的亲身经历，仲要发生喺10年前，「因为Annie喺情人节前突然记起，提议拍低佢等大家开心吓。」段片过瘾但最得意系片中Annie及14岁囡囡Tayla Siswojo开心食烧饿髀，原来两母女第一次咁样拎住只髀嚟食。导演笑说，「拍嗰阵买咗只烧鹅髀做Props，佢哋咬完两啖话好好食，食到好乾净，原来佢哋未试过成只髀咁食，觉得好好食。」

文念中及Brian夫妇。

《星岛头条》APP经已推出最新版本，请立即更新，浏览更精彩内容：http://www.stheadline.com/