「你知唔知我几辛苦？」初小生压力爆煲 港铁狂呻5分钟「辛苦论」掀热议｜Juicy叮

网络热传影片，有小二女生疑压力爆煲，在港铁向母亲狂发牢骚，长达5分钟的「辛苦论」字字珠玑引来网民热议，有网民认为事件令人联想到早年「巴士阿叔」「有压力未解决」的经典言论。

影片全长约5分钟，拍摄者将镜头朝下拍摄，主要录取该小二女生的声音，其后随女生步出车厢拍摄到该女生脚部，影片于上周四（2日）上载，未知具体拍摄时间。

「你哋啲大人都系咁，无得改嘅！」小二女生「辛苦论」足本字幕版↓↓↓↓

我依家已经唔舒服，仲要日日系到返学，我好辛苦。

晨早留留咁早起身，

我想瞓系个被到，仲要咁早起身。

你仲要唔畀我睇手机，我真系好辛苦㗎。

我真系好辛苦，你知唔知呀，

你成日都唔畀空间我㗎，你依家又阻我时间啦。

你知唔知我几辛苦呀。

你知唔知我几辛苦，几忙呀。

我好辛苦先升可以到二年级，我唔系可以好似你咁样㗎。

你依家又乜嘢都唔畀我睇罗，你依家好唔锺意我，你可以叫我即刻走罗，

（小二生母亲这时回覆：过两日你罗）

我唔想再过两日，我想即刻走呀，我唔想系到等呀，我等咗几年，我好辛苦㗎，

我想走好耐㗎啦，你唔好净系咁样，你阻咗我几多时间呀，

你拖阻我好耐啦，你拖阻我几耐？

你拖咗我好耐啦，你唔好再咁样对我，得唔得啫。

我做咗好多嘢帮你。

（小二生母亲回覆：你做咗乜嘢帮我？）

你唔好问！你知唔知你浪费咗我好多时间，你依家仲想唔想要我啫。

你唔想要我，叫我即刻走罗，好唔好。

你咁样我好难讲理，好难顶呀，你知唔知呀。

你成日都唔明我哋嘅，你成日剩咁样，你每日都系咁样，你次次都系咁样。

每人锺意我呀，依家，我一世都系咁，我好惨㗎。

（小二生母亲回覆：边个唔锺意你呀？）

老......老......同学唔锺意我呀。

（小二生母亲回覆：点解同学唔锺意你嘅？）

佢唔锺意我，佢唔锺意我，我依家好唔开心，好难顶，好辛苦㗎，

你成日都系叫我等时间，我已经好唔开心，好难顶㗎，

我好伤心，唔想去呀，大个都唔好㗎嘛，你咁样对我真系好惨㗎，

我无同学锺意呀，成日都系咁样，

我依家无人同我玩呀，我依家好惨呀，我连同学都无一个呀，

（小二生母亲回覆：有无叫X同你一齐玩？）

好少，我唔想同佢玩？

我好辛苦，你知唔知我几辛苦。

你仲系唔明，就要咁样吓我呀，

你成日都系咁，你哋啲大人都系咁，无得改嘅。

（小二生母亲回覆：点解无人同你玩嘅？）

我都唔知呀，我唔锺意同同学玩呀，

我依家好辛苦，我都唔知可以忍得几耐呀。

我忍咗好耐啦，我都无话过所有人，我好辛苦㗎，你知唔知呀，

依家你阻咗我啲时间，我已经够肥啦，

唔好继续玩我得唔得，我依家好难顶，

已经好难顶，顶唔顺，生存系呢个世界上，

你唔好成日咁样得唔得啫，我好辛苦，我头痛呀。

（影片拍到两人离开车厢后结束）

网民热议事件：「心酸。」「听得出个妹妹真系好大压力。」「现在小朋友好唔容易生活！」「肯讲出嚟系好事。」「似乎妈咪并不重视小朋友的哭诉。」「希望香港未来主人翁可以睇得开。」「成日话香港教育制度，父母本身都不断压迫子女，一日学呢样学个样，又补习！！！......唔该家长唔好成日迫子女，只求分数、入名校......唔好一岁未够就要佢哋做填鸭啦！！唔好赖教育制度！！！......」

来源：香港新闻突发时事合集

同场加映：「巴士阿叔」字幕版足本重温：「你有压力！我有压力！」

「你有压力！我有压力！」「未解决！」本港最经典的压力论莫过于「巴士阿叔」事件，影片全长同为约5分钟。

事发在2006年4月27日晚上，一名中年男子在往元朗的巴士68X途中，因谈电话向社工倾诉时被身后的青年拍膊头，情绪激动怒骂对方，整个过程被另一名少年用手机拍下，在网上疯传，影片至今留下多句港人耳熟能详的金句，如「你有压力，我有压力」「未解决」。

足本影片可分三部分：

（一）冲突源起：「你仲乜拍我膊头？」（足本字幕版）↓↓↓↓

「你有压力！我有压力！」「未解决！」本港最经典的压力论莫过于「巴士阿叔」事件。