初选案｜何桂蓝支持邹家成坚决「会运用」否决权

「35+」初选案续审，被告何桂蓝今午于西九龙法院作供以「积极考虑参选」来说明「积极」是选举用语「畀人弹出弹入」，令外界明白同时并无实际承诺。何桂蓝又解读「运用《基本法》赋予立法会的权力，包括否决财政预算案」条款指后句只是从句，形容包括了甚么权力，「只要你运用过立法会嘅权力，你就达成呢个要求，但系个权力又唔一定系要否决财政预算案」，指出句子语意属同义反覆。 

大律师Trevor Beel主问下，何桂蓝供称2020年4、5月时协调会议风向有变，但转变并非焦点由民主派过半转到否决财案，解释案发前数年连民主公民两党也会投票反对财案，故做法不受争议。何桂蓝认为转变源于两办谴责郭荣铿主持内会一事，当时民主派看法认为就算依足议事规则而行事，仍有可能被两办称为瘫痪政府，有可能于在任时被DQ，「如果DQ条线拉到咁低，基本上所有做过立法会议员嘅候选人都会被DQ」，同时建制派传媒传言指如声言否决财案者会被DQ，出乎民主派意料，此事令否决财案一事由不受争议上升到部分候选人极欲避免的问题。何桂蓝指事件对温和派杀伤力比较大，因为「大家感受到个威胁唔净止系选完之后，系觉得佢会搵大家过往嘅行为，系连选都唔畀佢入闸」。 

代表何桂蓝的大律师Trevor Beel。陈极彰摄

何桂蓝指事件对自己没有影响，认为两办为确保建制派的主导地位，随便以议事规则相关的藉口来DQ议员，「我觉得啖样嘅DQ冇办法避到嘅，无论我点样修正我嘅行动或者说话。由2019到2020，两办发咗好多次声明，连侬墙又话犯法，食黄店又话揽炒，所以我嘅立场系唔需要理会呢啲嘢」。何桂蓝又指自己早已预期无法入闸，当年2、3月知悉骆惠宁谭耀宗说法后，认为就算赢得35或以上席位也会被DQ，到4月郭荣铿事件后则认为会出现大规模DQ，令「35+」也不可能达成，去到5月底人大通过订立《香港国安法》，「我认为我一定会被DQ⋯⋯入唔到闸」。 

何桂蓝忆述5月5日第2次新界东协调会议同样约长2小时，到场人数亦同样约20至30人，提到根据2018年初选经验，部分党派会派出无权决策的人士做代表与会表态甚至签署文件，该些党派最后赖帐，故当时有留意何人与会。何桂蓝直言「嗰次已经系第二次协调会喇已经，啖我都系见唔到啲党派嘅候选人本人，我觉得好奇怪」，交代整个协议过程中从未见过林卓廷、杨岳桥、陈志全和梁国雄，「我只系可以同一啲我唔sure可以代表到佢哋嘅人去倾⋯⋯吴文远喺度，重讲非常多嘅嘢，我知道一定唔系长毛谂法。同埋我超级庆幸嗰日黄浩铭唔喺度，如果唔系开到3点呀个会⋯⋯」言毕哄堂大笑。 

何桂蓝指「尤其是当我哋知道最后个agreement（协议），supposed（理应）系我哋候选人之间嘅agreement，但我去到论坛先至第一次见到嗰啲candidate（候选人）」。何桂蓝续指民主公民两党代表发言一句起两句止，「所以究竟当时嗰啲党派代表协调会入面讲过嘅嘢，或者佢哋冇反对、佢哋冇评论嘅嘢，佢哋自己党入面啲大佬系点样谂，我完全冇办法去certain」。 

何桂蓝指没有印象会上曾提及戴耀廷文章〈真揽炒十步〉，而会上2个重大议题均无结论，包括否决财案条款中使用「会运用」还是「会积极运用」，以及6还是6+1的目标议席。何桂蓝指争论「会积极运用」时会况不算激烈，「纯粹系多咗人讲嘢，因为其他topic好少人讲嘢」，另反驳赵家贤证供指「成程无人企过起身，冇呢啲激烈行为」。 

何桂蓝回应「会运用」还是「会积极运用」用字有何分别时指「我一路坐喺嗰度听，想答呢个问题好耐」，说明「『积极』系一个选举嘅jargon（用语），只有跟开选举或者even 报道嘅人先至识嘅」。何桂蓝举例指如有人打算参选但为免一早正式公布并开始计算选举开支时，便会对外宣称「积极考虑参选」，外界就会理解成该人会参选，「简单来讲，就系一个畀人弹出弹入嘅字眼」。何桂蓝套用理解到「会积极运用」字眼上，「我自己觉得用『积极运用』呢，系有一个效果，就系坊间会觉得，『呀，就系㗎喇』，但系事实你乜都冇应承嘅」。何桂蓝再以参选为例，指过去不少人宣称「积极考虑参选」，惟最后没有参选，故指这并非承诺。 

《香港国安法》指定法官陈庆伟问戴耀廷是否以「会积极运用」字眼处理候选人立场分歧？何桂蓝指「我觉得戴耀廷喺呢件事上面，佢genius（天才）嘅地方唔系喺呢两个字度，而系跟住嗰两句⋯⋯佢应该系话『积极运用基本法赋予嘅权力』，但系呢个权力呢⋯⋯后面加一句我会形容系从句嘅东西，就系『包括否决财政预算案』」。何桂蓝解释「因为大家都知基本法赋予立法会好多权力⋯⋯我理解佢（戴耀廷）draft（草拟）呢句嘢嘅谂法，『包括』嗰样嘢只系describe（形容）紧权力有啲咩，只要你运用过立法会嘅权力，你就达成呢个要求，但系个权力又唔一定系要否决财政预算案。简单来讲，佢写咗句根本乜都冇讲过嘢出来。因为议员会运用基本法赋予议员嘅权力，如果我冇理解错，呢句系一句 tautology（同义反覆），前面跟『积极』定系『会』都根本唔系太重要」。 

何桂蓝认为戴耀廷提出此句动机在避免DQ，一般某人被指称违反《基本法》才会被DQ，何桂蓝解读「因为如果你啖样写：我运用基本法权力去做嘢，啖我咪冇违反到基本法罗！」陈官质疑那当中戴耀廷何必提及权力包括否决预算案，何桂蓝回应「因为否决预算案系当时建制派同埋文大公（《文汇报》、《大公报》）好specific提到嘅DQ理由，有好多人包括在下，系觉得唔应该啖样避过⋯⋯唔应该回避提及否决财政预算案呢样嘢⋯⋯而戴耀廷就用一句嘢包晒所有人嘅嘢，即系出奇蛋啖罗」。何桂蓝忆述戴耀廷曾表达「啖样写法应该好难DQ得到嘅⋯⋯」并否认戴耀廷以此迎合不愿否决财案的人。 

何桂蓝回想讨论「会运用」还是「会积极运用」用字时，与会者仅轮流表达立场，「跟住我会形容系大家就好似系失去咗兴趣啖，最后系邹家成同李永成，两个人好似拗咗10至15分钟，但系李永成唔系选㗎罗，我都唔知佢来做乜嘢」何桂蓝笑言，追问下指李永成「佢介绍自己系地区人士⋯⋯佢有讲佢系来睇下，所以我先咁奇怪点解佢要同Owen拗咁耐」，最后有人指会议时间无多仓卒结束争论。何桂蓝忆述争论时李永成甚至无特定立场，自己原亦无特定立场，跟进选举新闻多年，习惯了选举术语，故不觉说法有何不妥，但听到普通人背景的邹家成主张用「会运用」，指「佢觉得如果要做嘅话就讲得 firm（肯定）啲，唔好讲啲ambiguous（模棱两可）嘅东西去周游大家」，闻言后「我系有啲惭愧嘅，所以我系有帮口，我都系有讲用『会』嘅」，来支持邹家成。 

法庭记者：陈子豪 

---       

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ