巴士上对骂5分钟 大把位都争位坐？ 大妈：咪掗住两张凳 唔准过界｜Juicy叮
2023-07-21 11:35 
一辆有大量「吉位」的巴士早前竟爆出争位风波，两名女乘客在车上你一言我一语对骂长达5分钟，期间粗口横飞。涉事的拍片女乘客更爆出啜核对白：「拿，呢张凳呢个界喺度」、「你唔好掗我呢边嘅位」、「你畀一个人钱呢，就坐一张凳」、「你自己包晒成架巴士啦」、「小朋友塞住耳仔唔好听（粗口）」、「人人得以诛之你吖」、「你嗰啲虾呀、蟹呀攞出嚟吖」。
巴士大妈争位坐对骂5分钟逐格睇 ＋ 网民睇唔过眼回应↓↓↓↓
巴士正途经蒲岗村道
在网上流传的短片长约4:55秒，由其中一名涉事的女乘客拍摄（下称大妈A），当时巴士正途经蒲岗村道。
事情大要是涉事的另一名女乘客（下称大妈B）原本坐于车上右边的关爱座，拉著买餸车的大妈A上车后手指指，拍片批评对方「掗住两张凳」，要求对方「借借」并坐下，双方连随发生争执。
大妈B表明「冇掗住两张凳」
大妈B表明「冇掗住两张凳」，并回话「你野Ｘ蛮嘅」，但为免再生争执，主动离坐转坐其他空位，大妈B让座转位后，大妈A并无停口，并藉车上有儿童借题发挥，指「小朋友睇唔睇到呢啲，唔好学呀吓」、「小朋友塞住耳仔唔好听」。
为之气结的大妈B自爆「已唔X舒服㗎啦」、「啱先出院咋，阿姐」，不满对方撩交嗌，岂料未获同情，大妈A回应「唔舒服咁好中气闹粗口嘅」、「咁系你嘅事啦，系咪先」。
回应的网友普遍力挺刚出院的大妈B，批评拍片的大妈A「撩交嗌」、「撩事斗非」，有人更指「访问一百位观众，得一个答案：拍片者系一位超级贱人」。
大妈A与大妈B对骂详细节录：
大妈A：唔该借借吖。你系咪掗住两张凳先
大妈B：我几时掗住两张凳呀，你坐你就坐呀，你唔坐就唔好坐
大妈A：拿，呢张凳呢个界喺度，你缩返你只脚，你嗰边大把位，你唔坐埋去
大妈B：咁嗰边（指巴士上其他位置）呀够大把位啦，你又唔坐呀
大妈A：我锺意坐呢度呀
大妈B：我够锺意坐呢度咯，你野Ｘ蛮嘅，你真系呀
大妈A：你缩返你只脚，你唔好掗我呢边嘅位，OK大家礼貌啲，理性啲
大妈B：你唔礼貌先㗎
大妈A：你咁样即系唔讲道理啦，系嘛
大妈B：唔讲道理
大妈A：你缩返只脚啦，我坐到我都算数，你唔好话太过分，O唔OK呀
大妈B：好似你过分啲喎
大妈A：咁你都不至于系咁样打斜坐吖，系嘛
大妈B：咁边角系咁逼㗎嘛
大妈A：一系我坐入面啦好唔好，如果系咁样，我坐入面，我唔介意㗎，你介唔介意先
大妈B：黐Ｘ线㗎你，我唔会同你坐啦，畀Ｘ埋你坐（连随起身转位）
大妈A：最好添
大妈B：黐Ｘ线㗎你，一啲卫生常识都冇
大妈A：带走啲垃圾呀，你有卫生，你自己包晒成架巴士啦
大妈B：做乜Ｘ嘢啫，你臭Ｘ，撩交嗌呀
大妈A：好似你撩交嗌多啲呀
大妈B：你撩交嗌先㗎，边个上嚟先呀，你叫我做咩呀
......
车上家长疑似轻声跟小朋友说：过嚟我呢度呀，过嚟呀，唔该你呀，系过嚟呀，入嚟
大妈A：小朋友睇到呢啲唔好学呀吓，知唔知道，好乖嘅
大妈B：唔好学呢啲八婆呀，野蛮无理㗎
大妈A：你唔好喺小朋友面前讲粗口，唔该
大妈B：讲咪讲啦，做咩呀，言论自由
大妈A：言论自由，不包不礼貌
大妈B：你唔好咁Ｘ多嘢讲呀，畀Ｘ埋你坐呀，臭Ｘ
大妈A：小朋友塞住耳仔唔好听
......
大妈B：已唔X舒服㗎啦（被拍片的大妈A拉近镜头影大头）
大妈A：唔舒服咁好中气闹粗口嘅
大妈B：闹你咪闹你咯
大妈A：唉，咪继续闹啦，唔好停呀
大妈B：你都黐Ｘ线
大妈A：继续呀
大妈B：你得闲㗎你呀
大妈A：系呀，你得闲呀嘛，咁呀，你锺意搏大家眼球
大妈B：你再嘈吖拿，你再嘈吖拿
大妈A：咁呀点吖
大妈B：呀点呀吓
大妈A：你咬我呀
大妈B：咬你，讲嘢，野蛮呀你
大妈A：你咬我呀
大妈B：死臭Ｘ（之后闭目）
大妈A：仲有咩呀，吓，继续讲吖，继续讲吖，唔讲啦，收声呀，系咪唔讲呀，唔讲呀似样啲，斯文啲嘛，女士嚟㗎嘛，系咪
大妈B：对你使乜斯文呀
大妈A：咦，做咩又讲一句又唔讲嘅，继续讲啦嘛，言论自由呀嘛，嚟吖，爆粗吖，呀，咁多个街坊睇住你，你早都应该系斯文啲啦，系咪先，唉，一早收声咪好咯
大妈B：俾Ｘ埋你坐啦，咁Ｘ多嘢讲
大妈A：一早收声咪好咯
大妈B：咩事要一早收声啫
大妈A：哎呀，你咁冇礼貌㗎
大妈B：撩咬嗌，啱先出院咋，阿姐
大妈A：咁系你嘅事啦，系咪先
大妈B：咁咪系咯，遇到你个臭Ｘ，咪行衰运罗
大妈A：巴士系公众地方
大妈B：公众公众
大妈A：你畀一个人钱呢，就坐一张凳，你冇理由打斜坐两张凳嘅
大妈B：打斜
大妈A：你睇你而家坐到似乜啦
大妈B：你理Ｘ得我似乜啫
大妈A：系呀，我梗系理你啦，啲公众地方嚟㗎嘛
大妈B：你系我阿妈呀
大妈A：唉，闸住，多谢
大妈B：你锺意扮嘢呀，就死出去扮啦，喺度玩嘢
大妈A：好似你扮嘢多啲哇
大妈B：你扮嘢多啲呀
大妈A：你问下啲街坊呀，睇你似乜啦，系嘛
大妈B：你理得我似乜啫
大妈A：哎呀，我真系唔得闲理你呀，你掗住公众地方嘅空间就唔啱啦呀，人人得以诛之你吖，系嘛，不过你都冇文化唔识听㗎啦，你净系识讲粗口，你讲多啲，我成全你
大妈A：仲有咩讲呀，呀，你嗰啲虾呀、蟹呀攞出嚟吖，唔讲喇吓，吓，各位街坊呢啲人呢，唔好纵佢呀，知唔知呀，有人收佢㗎
大妈A：呀，唔讲粗口呢，我就唔影你啦算数
网民大都不满大妈A撩交嗌：
有回应的网民估计涉事巴士应「该系203E」线，且大都不满大妈A撩交嗌：
●懒正气
●大把位唔坐
●小学鸡咩？过界！
●吃太饱了，找架吵
●食饱冇嘢做撩交嗌
●又多嘢讲，强词夺理
●咁多位唔坐，系要走去同人嘈
●巴士阿叔继承者，巴士大婶孖住上，真系压力两倍大
●呢个呀姐超级正义病上身，巴士大婶你好大压力咩？
●拍片果位搞事多啲喎，咪以为拍片就系有理，重点系车内大把位，有手拉车可以放门边行李位，唔一定要让座喎
●有乜好嘈呀，架车大把位，两位大姐搭车啫，使乜咁多事呀，大庭广众，失礼死人，请尊重人格，防碍人搭车，相嗌唔好口，退一步海阔天空，互相尊重咪无事罗
●叫人让位都仲咁恶！真系撩咬嗌，恶人先告状，我都唔争你，仲好意思拍人哋摆上网，唔知丑果只系你喔！
●人哋胖坐出咗少少，你使唔使恶人先告状呀，仲好似自己好有理咁，真是不知所谓
●以为自己好斯文，唔讲粗口唔代表斯文，系要俾人讲粗口闹
其他网民回应请浏览上图↑↑↑↑。
巴士相关新闻：
●男乘客搭巴士多「吉位」仍坐少女旁边港男拍照公审惹热议
●巴士阿叔闹喊少女阻落车 坐隔离赖死唔郁 网民指一句话露色心
本港社交平台早前热传一段阿叔大闹城巴的影片，有大叔坐正少女隔离，少女欲下车竟坚拒不「放行」，引来司机干预，但大叔竟发狂闹喊少女，网民点出大叔骂语中有一句话已显露其色心。
事件发生在天水围，本周三（15日）晚上，涉事巴士为城巴967X，来往天水围（天恩邨）及铜锣湾。有乘客拍摄到事发情况，片长约45秒。
直击巴士阿叔大闹城巴 一句说话露色心？（足本字幕版）↓↓↓↓
最新回应